Image

നടിയെ ആക്രമിച്ച കേസ്‌; പ്രത്യേക കോടതി വേണമെന്ന്‌ സര്‍ക്കാര്‍

Published on 23 July, 2018
നടിയെ ആക്രമിച്ച കേസ്‌; പ്രത്യേക കോടതി വേണമെന്ന്‌ സര്‍ക്കാര്‍


കൊച്ചി: നടിയെ ആക്രമിച്ച കേസില്‍ നടന്‍ ദിലീപിനെതിരേ സര്‍ക്കാര്‍ രംഗത്ത്‌. കേസിന്റെ വിചാരണ തടസപ്പെടുത്താന്‍ ദിലീപ്‌ മനപ്പൂര്‍വം ശ്രമിക്കുന്നതായി സര്‍ക്കാര്‍ കോടതിയെ അറിയിച്ചു. വിചാരണക്ക്‌ പ്രത്യേക കോടതി വേണമെന്നും സര്‍ക്കാര്‍ സത്യവാങ്‌മൂലത്തില്‍ വ്യക്തമാക്കി. വനിതാ ജഡ്‌ജിയെ വേണമെന്ന നടിയുടെ ആവശ്യത്തില്‍ ഹൈക്കോടതിയാണ്‌ സര്‍ക്കാരിനോട്‌ നിലപാട്‌ വ്യക്തമാക്കണമെന്ന്‌ ആവശ്യപ്പെട്ടിരുന്നത്‌.
കേസിന്റെ പ്രത്യേക സാഹചര്യം കണക്കിലെടുത്ത്‌ വിചാരണക്ക്‌ വനിതാ ജഡ്‌ജി വേണമെന്നും സര്‍ക്കാര്‍ കോടതിയെ അറിയിച്ചു. കേസുമായി ബന്ധപ്പെട്ട രേഖകള്‍ ദിലീപിന്‌ നല്‍കിയിട്ടും വീണ്ടും ആവശ്യങ്ങള്‍ ഉന്നയിച്ച്‌ വിചാരണ തടസപ്പെടുത്താനാണ്‌ ദിലീപിന്റെ ശ്രമമെന്നും സര്‍ക്കാര്‍ വ്യക്തമാക്കുന്നു.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക