സംസ്ഥാനത്ത്‌ വീണ്ടും കനത്ത മഴ
Published on 08 August, 2018
കോട്ടയം: സംസ്ഥാനത്ത്‌ വീണ്ടും കനത്ത മഴ. കഴിഞ്ഞ രാത്രി മുതല്‍ മധ്യകേരളത്തിലും വടക്കന്‍ കേരളത്തിലും ശക്തമായ മഴയാണ്‌ പെയ്യുന്നത്‌. കോട്ടയം, ഇടുക്കി, ആലപ്പുഴ, കണ്ണൂര്‍, കോഴിക്കോട്‌ ജില്ലകളിലാണ്‌ മഴ ശക്തമായിരിക്കുന്നത്‌.
രണ്ടു ദിവസത്തെ ഇടവേളക്ക്‌ ശേഷമാണ്‌
മധ്യകേരളത്തില്‍ മഴ കനത്തത്‌. ഇതോടെ ജലാശയങ്ങളില്‍ താഴ്‌ന്നു തുടങ്ങിയിരുന്ന
ജലനിരപ്പ്‌ വീണ്ടും ഉയര്‍ന്നു. ഇടുക്കി ഡാമിന്റെ വൃഷ്ടിപ്രദേശത്ത്‌ കനത്ത മഴയ
പെയ്‌തതിനാല്‍ ഡാമില്‍ ജലനിരപ്പ്‌ ഉയര്‍ന്നു. 2,396.86 അടി വെള്ളമാണ്‌ ഇപ്പോള്‍
അണക്കെട്ടിലുള്ളത്‌.
2,398 അടിയില്‍ ജലനിരപ്പ്‌ എത്തിയാല്‍ ട്രയല്‍ റണ്‍
നടത്തുമെന്ന്‌ നേരത്തെ സര്‍ക്കാര്‍ വ്യക്തമാക്കിയിരുന്നു. ഇതിനുള്ള
ഒരുക്കങ്ങളെല്ലാം നേരത്തെ തന്നെ പൂര്‍ത്തിയായിരുന്നു.
കോഴിക്കോട്ടും കണ്ണൂരിലെ
മലയോര മേഖലകളിലും കനത്ത മഴയാണ്‌ പെയ്യുന്നത്‌. കണ്ണൂരിലെ ആറിടങ്ങളില്‍
ഉരുള്‍പൊട്ടലും ഉണ്ടായി. വടക്കന്‍ മലബാറിലെ ഡാമുകളില്ലെല്ലാം ജലനിരപ്പ്‌ വീണ്ടും
ഉയര്‍ന്നു. ബാണാസുരസാഗര്‍ ഡാം രാവിലെ തുറന്നുവിട്ടു. വയനാട്‌ ജില്ലയിലെ
സ്‌കൂളുകള്‍ക്ക്‌ ഇന്ന്‌ കളക്ടര്‍ അവധി പ്രഖ്യാപിച്ചിട്ടുണ്ട്‌.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala