കോട്ടയം: മെത്രാന്മാര്ക്കും വൈദികര്ക്കും പെരുമാറ്റച്ചട്ടവുമായി ഓര്ത്തഡോക്സ് സഭ. സ്ത്രീകളും കുട്ടികളുമായി പരിധിവിട്ട സംസാരം, ഇടപെടല് എന്നിവ വിലക്കുന്നതാകും പെരുമാറ്റച്ചട്ടം. ഇതിന്റെ കരടിന് രൂപംനല്കാന് മെത്രപ്പോലീത്തമാരായ സഖറിയാസ് മാര് നിക്കോളവാസ്, മാത്യൂസ് മാര് സേവെറിയോസ് എന്നിവരെ കോട്ടയം ദേവലോകം അരമനയില് നടക്കുന്ന സുന്നഹദോസ് ചുമതലപ്പെടുത്തി. അടുത്തദിവസം ഇവര് രൂപരേഖ അവതരിപ്പിക്കും. ചര്ച്ചക്കുശേഷം ഇതിന് അംഗീകാരം നല്കാനാണ് ധാരണ.സഭയിലെ വൈദികര് പീഡനക്കേസില് ഉള്പ്പെട്ട സാഹചര്യത്തിലാണ് തീരുമാനം. പെരുമാറ്റച്ചട്ടം ഉടന് പ്രാബല്യത്തില് കൊണ്ടുവരാനും തീരുമാനിച്ചിട്ടുണ്ട്.അതേസമയം, യുവതിയെ ലൈംഗിക ചൂഷണത്തിന് ഇരയാക്കിയ കേസില് ഉള്പ്പെട്ട വൈദികര്ക്ക് വിലക്ക് ഏര്പ്പെടുത്തുന്ന കാര്യത്തില് യോഗം അന്തിമതീരുമാനത്തില് എത്തിയിട്ടില്ലെന്നാണ് വിവരം.
ഭദ്രാസനതലങ്ങളില് നടക്കുന്ന അന്വേഷണങ്ങളില് ഇവര് കുറ്റക്കാരെന്ന് കണ്ടാല് കടുത്ത നടപടികളിലേക്ക് പോയാല് മതിയെന്നാണ് ധാരണ. അതുവരെ സസ്പെന്ഷന് തുടരും. സഭ അന്വേഷണത്തില് കുറ്റക്കാരെന്നു കണ്ടാല് വിലക്കും. അതേസമയം, നിരപരാധികളാണെങ്കില് സംരക്ഷിക്കാനും തീരുമാനിച്ചിട്ടുണ്ട്.
അമേരിക്കയിലെ ബിഷപ്പിനെതിരെ ഉയര്ന്ന ആരോപണങ്ങളില് കഴമ്പില്ലെന്നും യോഗം വിയിരുത്തി. ഇതില് കൂടുതല് നടപടി വേണ്ടെന്നും തീരുമാനിച്ചു.
സെപ്റ്റംബര് 11ന് ഈജിപ്ത്തിലെ കൈറോയില് നടക്കുന്ന ഓറിയന്റല് ഓര്ത്തഡോക്സ് പാര്ത്രിയാര്ക്കീസ് ബാവമാരുടെ യോഗത്തിലേക്കുള്ള ക്ഷണവും ചര്ച്ചയായി. യാക്കോബായ സഭ ആദ്യം സുപ്രിംകോടതി വിധി അംഗീകരിക്കണമെന്ന നിലപാട് ഇവര്ക്ക് മുന്നില് വെക്കണമെന്നാവശ്യം യോഗത്തില് ഉയര്ന്നു. കാതോലിക്ക ബാവ ഇതില് പങ്കെടുക്കേണ്ടതില്ലെന്നാണ് പൊതുവികാരം. അന്തിമ തീരുമാനം അടുത്തദിവസങ്ങളില് നടക്കുന്ന ചര്ച്ചകളിലാകും ഉണ്ടാവുക. ശനിയാഴ്ച യോഗം സമാപിക്കും.
These guys study & get trained in a Seminary for years, then they get trained under bishops still – Semi- Narikal become full narikal. What kind of training more you going to give. Is there anyone un-corrupt among you?
The bishop from America, we all know what he did, how can you say he is innocent? All of you are liars.
What happened to the Holy Spirit? Don’t you claim that priesthood is blessed & appointed by H.Spirit. Hypocrites!!!!