ദുരിതാശ്വാസ ക്യാംപുകള്ക്ക് പ്രത്യേക സുരക്ഷ ഏര്പ്പെടുത്തുമെന്ന് ഡിജിപി ലോക്നാഥ് ബെഹ്റ. ക്യാംപുകളുടെ നിരീക്ഷണത്തിനായി പ്രത്യേക ക്രൈംബ്രാഞ്ച് സംഘത്തെ നിയോഗിക്കും. അനുമതിയില്ലാതെ ക്യാംപില് അതിക്രമിച്ച് കയറുന്നവരെ അറസ്റ്റ് ചെയ്യുമെന്നും ഡിജിപി അറിയിച്ചു.
മഴക്കെടുതിയെ തുടര്ന്ന് അടച്ചിട്ട വീടുകളില് മോഷണം വ്യാപകമാകുന്നതായി പരാതിയുണ്ട്. ഇക്കാര്യത്തില് പൊലീസ് കര്ശന നടപടി എടുക്കും. അമിത വില ഈടാക്കുന്ന വ്യാപാരികള്ക്കെതിരെ ജാമ്യമില്ലാ വകുപ്പ് പ്രകാരം കേസെടുക്കും. വെള്ളപ്പൊക്കത്തില് തകര്ന്ന പാവപ്പെട്ട വീടുകള് പോലീസുകാര് ദത്തെടുത്ത് പുനര് നിര്മ്മാണത്തിന് സഹായം നല്കുമെന്നും ഡിജിപി പറഞ്ഞു.
സംസ്ഥാനത്ത് നിരവധി ദുരിതാശ്വാസ ക്യാംപുകളാണ് തുറന്നിരിക്കുന്നത്. സ്ത്രീകളും കുട്ടികളും ഉള്പ്പെടെ ഏകദേശം ഏഴര ലക്ഷത്തോളം പേരാണ് കഴിഞ്ഞ ദിവസങ്ങളില് ക്യാംപുകളില് കഴിഞ്ഞത്. വെള്ളക്കെട്ട് രൂക്ഷമായതോടെ, ആളുകള് വീടുപേക്ഷിച്ച് ദുരിതാശ്വാസ ക്യാംപുകളിലേക്ക് മാറിയതോടെ മോഷണവും വര്ധിച്ചിരുന്നു.