ടൂറിസം മന്ത്രി കടകംപള്ളി സുരേന്ദ്രനു വിദേശ യാത്രകള്ക്കു അനുമതി. മൂന്ന് മാസത്തിനിടെ മൂന്ന് രാജ്യങ്ങള് സന്ദര്ശിക്കാനാണ് അനുമതി. ടൂറിസം, ട്രാവല്മാര്ട്ട് എക്സ്പോകളില് പങ്കെടുക്കുന്നതിനായി ജപ്പാന്, സിംഗപ്പൂര്, ചൈന തുടങ്ങിയ രാജ്യങ്ങള് സന്ദര്ശിക്കാനാണ് അനുമതി ലഭിച്ചിരിക്കുന്നത്.
സെപ്റ്റംബര് 20ന് ജപ്പാനിലെ ടോക്കിയോയില് നടക്കുന്ന ടൂറിസം എക്സ്പോയിലാണ് മന്ത്രി ആദ്യം പങ്കെടുക്കുന്നത്. ഒക്ടോബര് 17ന് സിംഗപ്പൂരിലും നവംബര് 16ന് ചൈനയിലും നടക്കുന്ന എക്സ്പോകളിലും മന്ത്രി പങ്കെടുക്കും. അതേസമയം മന്ത്രിയുടെ യാത്രയ്ക്കെതിരെ വിമര്ശനങ്ങള് ഉയരുന്നുണ്ട്. സംസ്ഥാനം പ്രളയക്കെടുതി നേരിടുന്ന സാഹചര്യത്തില് മന്ത്രി യാത്ര ഒഴിവാക്കണമെന്നും ഈ പണം ദുരിതാശ്വാസ പ്രവര്ത്തനങ്ങള്ക്ക് ഉപയോഗിക്കണമെന്നുമാണ് ആവശ്യങ്ങള് ഉയരുന്നത്.