പരാതി ഇല്ലാത്തത്‌ കൊണ്ട്‌ എംഎല്‍എയ്‌ക്കതിരെ കേസെടുക്കാന്‍ സാധിക്കില്ലെന്നാണ്‌ രാവിലെ സംസ്ഥാന വനിതാ കമ്മീഷന്‍ പറഞ്ഞത്‌. അതേസമയം പരാതി ഇല്ലെങ്കിലും പി കെ ശശിക്കെതിരെ കേസെടുത്തതായി ദേശീയ വനിതാ കമ്മീഷന്‍ അറിയിച്ചതോടെ സംസ്ഥാന വനിതാ കമ്മീഷന്‍ അധ്യക്ഷ എം സി ജോസഫൈന്റെ നിലപാടിന്‌ കനത്ത തിരിച്ചടിയാണ്‌ ലഭിച്ചിരിക്കുന്നത്‌.

സംഭവത്തില്‍ കേസെടുത്തതോടെ യുവതിയുടെയും എംഎല്‍എയുടെയും മൊഴി രേഖപ്പെടുത്തുന്നത്‌ അടക്കമുള്ള കാര്യങ്ങള്‍ ദേശീയ വനിതാ കമ്മീഷന്‍ പരിഗണിക്കുന്നുണ്ട്‌. ഇതിനായി കമ്മീഷന്‍ കേരളത്തിലേക്ക്‌ വരുമെന്നാണ്‌ റിപ്പോര്‍ട്ടുകള്‍.