കല്‍പറ്റ: ഉരുള്‍പൊട്ടലും പ്രളയവും തീര്‍ത്ത കനത്ത ദുരിതത്തില്‍ ക്ഷതമേറ്റ വയനാടന്‍ കാര്‍ഷിക മേഖലയില്‍ ആശങ്കയുയര്‍ത്തി കര്‍ഷക ആത്മഹത്യകള്‍ വീണ്ടും. ബാങ്കു വായ്‌പയെടുത്തും പലിശക്ക്‌ പണം വാങ്ങിയുമൊക്കെ കൃഷിയിറക്കിയവര്‍ക്ക്‌ തീരാദുരിതമായി വിളനാശം സംഭവിച്ചതോടെ കര്‍ഷക ആത്മഹത്യകള്‍ തിരിച്ചുവരുകയാണ്‌. ഒരുമാസത്തിനിടെ മൂന്നു പേരാണ്‌ വിളനാശത്തെ തുടര്‍ന്നുള്ള സാമ്പത്തിക പ്രയാസങ്ങള്‍ കാരണം ജീവനൊടുക്കിയത്‌. പ്രളയക്കെടുതികളുടെ മധ്യേയാണ്‌ ഈ മൂന്നു ആത്മഹത്യകളും. നെല്ല്‌, കുരുമുളക്‌, കാപ്പി, വാഴ, ഇഞ്ചി തുടങ്ങിയ സകല വിളകള്‍ക്കും മഴക്കെടുതികള്‍ വരുത്തിയത്‌ വന്‍നാശമാണ്‌.