ന്യൂഡല്‍ഹി:സാമൂഹ്യമാധ്യമങ്ങളില്‍ ആധാറുമായി ബന്ധപ്പെട്ട അഭിപ്രായപ്രകടനങ്ങള്‍ നിരീക്ഷിക്കുന്നതിന്‌ ഏജന്‍സിയെ ചുമതലപ്പെടുത്താനുള്ള നിര്‍ദേശത്തില്‍ ഭേദഗതികള്‍ കൊണ്ടുവരാന്‍ ഒരുക്കമാണെന്ന്‌ കേന്ദ്രം സുപ്രീംകോടതിയെ അറിയിച്ചു.

സാമൂഹ്യമാധ്യമ ഏജന്‍സിയെ നിരീക്ഷണത്തിന്‌ ചുമതലപ്പെടുത്താനുള്ള നിര്‍ദേശം ആധാറിന്റെ നടത്തിപ്പുകാരായ സവിശേഷ തിരിച്ചറിയല്‍ അതോറിറ്റിയാണ്‌ (യുഐഡിഎഐ) മുന്നോട്ടുവച്ചത്‌. പൗരന്മാരെ നിരീക്ഷണത്തില്‍ നിര്‍ത്തുന്നതിന്റെ ഭാഗമായാണ്‌ ഈ നീക്കമെന്ന വിമര്‍ശം ഉയര്‍ന്നതോടെയാണ്‌ മാറ്റത്തിന്‌ തയ്യാറാണെന്ന്‌ കേന്ദ്രം അറിയിച്ചത്‌.