Image

ബിഷപ്പ്‌ ഫ്രാങ്കോ രണ്ട്‌ ദിവസം പൊലീസ്‌ കസ്റ്റഡിയില്‍; ജാമ്യാപേക്ഷ തള്ളി

Published on 22 September, 2018
 ബിഷപ്പ്‌ ഫ്രാങ്കോ രണ്ട്‌ ദിവസം പൊലീസ്‌ കസ്റ്റഡിയില്‍; ജാമ്യാപേക്ഷ തള്ളി
കോട്ടയം :കന്യാസ്‌ത്രീയെ പീഡിപ്പിച്ച കേസില്‍ അറസ്റ്റിലായ ഫ്രാങ്കോ മുളയ്‌ക്കലിന്റെ ജാമ്യാപേക്ഷ പാലാ മജിസ്‌ട്രേറ്റ്‌ കോടതി തള്ളി. ബിഷപ്പിനെ രണ്ട്‌ ദിവസത്തേക്ക്‌ പൊലീസ്‌ കസ്റ്റഡിയില്‍ വിടാന്‍ കോടതി ഉത്തരവിട്ടു.
ബിഷപ്പിനെ മൂന്ന്‌ ദിവസം കസ്റ്റഡിയില്‍ വേണമെന്നാണ്‌ പൊലീസ്‌ കോടതിയില്‍ ആവശ്യപ്പെട്ടത്‌. ബിഷപ്പിനു വേണ്ടി അഡ്വക്കേറ്റ്‌ രാമന്‍ പിള്ളയാണ്‌ കോടതിയില്‍ ഹാജരായത്‌.

നെഞ്ചുവേദന അനുഭവപ്പെട്ടതിനെ തുടര്‍ന്ന്‌ കോട്ടയം മെഡിക്കല്‍ കോളെജില്‍ പ്രവേശിപ്പിച്ച ബിഷപ്പിനെ ഇന്ന്‌ രാവിലെയാണ്‌ ഡിസ്‌ചാര്‍ജ്‌ ചെയ്‌തത്‌.

ആരോഗ്യനില തൃപ്‌തികരമാണെന്ന്‌ ഡോക്ടര്‍മാര്‍ അറിയിച്ചതിനെ തുടര്‍ന്നാണ്‌ മെഡിക്കല്‍ കോളെജില്‍ നിന്നും ഡിസ്‌ചാര്‍ജ്‌ ചെയ്‌ത്‌ കോട്ടയം പൊലീസ്‌ ക്ലബിലേക്ക്‌ കൊണ്ടുപോയത്‌. ആശുപത്രി പരിസരത്ത്‌ ബിഷപ്പിനെതിരെ ശക്തമായ പ്രതിഷേധം ഉണ്ടായിരുന്നു. ആശുപത്രിയില്‍ നിന്നും പുറത്തിറങ്ങിയ ബിഷപ്പിനെതിരെ കൂകി വിളിച്ചാണ്‌ ജനങ്ങള്‍ പ്രതിഷേധിച്ചത്‌.

ഇന്നലെ തൃപ്പൂണിത്തറയില്‍ നിന്നുള്ള യാത്രക്കിടെ നെഞ്ചുവേദന അനുഭവപ്പെട്ടതിനെ തുടര്‍ന്നാണ്‌ ബിഷപ്പിനെ 
മെഡിക്കല്‍ കോളെജില്‍ പ്രവേശിപ്പിച്ചത് 
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക