പ്രളയശേഷമുള്ള സംസ്ഥാനത്തിന്റെ സാഹചര്യം ധരിപ്പിച്ചു. 4,796 കോടിയുടെ അധിക സഹായം ആവശ്യപ്പെട്ടിട്ടുണ്ട്‌. സംസ്ഥാനത്തിന്റെ വായ്‌പാ പരിധി ഉയര്‍ത്തണമെന്ന്‌ ആവശ്യപ്പെട്ടിട്ടുണ്ടെന്നും മുഖ്യമന്ത്രി അറിയിച്ചു.
സാലറി ചലഞ്ചിന്‌ ആരെയും നിര്‍ബന്ധിക്കില്ലെന്ന്നുംസഹകരിക്കാത്തവരോട്‌ അവരുടെ മക്കള്‍ ചോദിക്കുമെന്നും അദ്ദേഹം പറഞ്ഞു.

അടുത്ത രണ്ടു വര്‍ഷത്തിനിടെ കേരളത്തിന്റെ പുനര്‍ നിര്‍മാണത്തിനായി 16,000 കോടി രൂപയാണ്‌ ആവശ്യമുള്ളത്‌. 2500 കോടി രൂപ വീട്‌ നഷ്ടപ്പെട്ടവര്‍ക്ക്‌ വീടുവെച്ചുനല്‍കാന്‍ വേണം. 700 കുടുംബങ്ങള്‍ ഇപ്പോഴും ക്യാമ്പുകളില്‍ കഴിയുന്നുണ്ട്‌. കേന്ദ്ര വിഹിതത്തില്‍ 10 ശതമാനം വര്‍ധന വേണമെന്നും ആവശ്യപ്പെട്ടിട്ടുണ്ടെന്ന്‌ അദ്ദേഹം പറഞ്ഞു.