അഗര്ത്തല: ദൈവജനങങള് വിശ്വാസജീവിതത്തില് പുതിയ വെല്ലുവിളികള് നേരിടുന്ന ഈ നാളുകളില് സാഹചര്യങ്ങളെ നോക്കാതെ ഉയരത്തിലേക്ക് നോക്കി ദൈവശക്തി പ്രാപിച്ച് കര്ത്താവിന്റെ സാക്ഷികളായി തീരുവാന് ഐ.പി.സി. ജനറല് സെക്രട്ടറി പാസ്റ്റര് കെ.സി.ജോണ് ആഹ്വാനം ചെയ്തു. ഐ.പി.സി. ത്രിപുര സ്റ്റേറ്റിന്റെ 12-മതു വാര്ഷിക കണ്വന്ഷനില് മുഖ്യ സന്ദേശം നല്കുകയായിരുന്നു അദ്ദേഹം.
സ്റ്റേറ്റ് പ്രസിഡന്റ് ഡോ.ജോര്ജ് മാത്യു ഉദ്ഘാടനം ചെയ്ത സമ്മേളനം ആഗസ്റ്റ് 11, 12 തീയതികളില് അനുഗ്രഹകരമായി നടന്നു. ഐ.പി.സി. ത്രിപുര സ്റ്റേറ്റ് ആരംഭിച്ച ബൈബിള് ട്രെയിനിംഗ് സെന്ററിന്റെയും വിശ്രാം ഗഞ്ചില് പണിപൂര്ത്തിയാക്കിയ ആരാധനാലയത്തിന്റെയും ഉദ്ഘാടനം പാസ്റ്റര് കെ.സി. ജോണ് നിര്വ്വഹിച്ചു. പാസ്റ്റര്മാരായ സുകുമാര് ദേവവര്മ്മ, അനില്, അജോയ് എന്നിവര് നേതൃത്വം നല്കിയ കണ്വന്ഷനില് വിവിധ ഗോത്രവര്ഗ്ഗക്കാരായ അനേകര് സുവിശേഷം കേട്ട് കര്ത്താവിനായി സമര്പ്പിച്ചു.