കണ്ണൂര്‍: കണ്ണൂരില്‍ ബസ്‌ യാത്രക്കാരിയുടെ നാലു പവന്‍ സ്വര്‍ണമാല കവര്‍ച്ച ചെയ്യാന്‍ ശ്രമിച്ച രണ്ടു സ്‌ത്രീകളെ പോലീസ്‌ അറസ്റ്റു ചെയ്‌തു. തമിഴ്‌നാട്‌ മധുരൈ തിരുപ്രംകുണ്ട്രം സ്വദേശികളായ നന്ദിനി (27), ഈശ്വരി (40) എന്നിവരെയാണ്‌ എസ്‌ ഐ കെ.കെ. പ്രശോഭിന്റെ നേതൃത്വത്തിലുള്ള പോലീസ്‌ സംഘം അറസ്റ്റു ചെയ്‌തത്‌.

നാട്ടുകാരാണ്‌ സംഘത്തെ പിടികൂടി പോലീസിലേല്‍പിച്ചത്‌. കണ്ണൂരില്‍ നിന്നു പറശ്ശിനിക്കടവിലേക്ക്‌ പോവുകയായിരുന്ന സ്വകാര്യബസിലാണ്‌ സംഭവം. പറശ്ശിനിക്കടവ്‌ ക്ഷേത്രത്തിലേക്കു പോവുകയായിരുന്ന അഴീക്കോട്‌ കപ്പക്കടവ്‌ കൂലോത്ത്‌ വളപ്പില്‍ ശ്രീജയുടെ(55) മാലയാണ്‌ സംഘം കൈക്കലാക്കാന്‍ ശ്രമിച്ചത്‌.