പ്രതീക്ഷയുണര്‍ത്തുന്ന ഇന്ത്യന്‍ ചിത്രങ്ങളില്‍ ഒടിയന് നാലാം സ്ഥാനം; ബോളിവുഡ്‌ താരങ്ങളെ ബഹുദൂരം പിന്നിലാക്കി മോഹന്‍ലാല്‍
Published on 19 November, 2018
ഏറ്റവും പ്രതീക്ഷയുണര്‍ത്തുന്ന
ഇന്ത്യന്‍ ചിത്രങ്ങളുടെ ഐഎംഡിബി ലിസ്റ്റില്‍ നാലാം സ്ഥാനത്ത്‌ മോഹന്‍ലാലിന്റെ
ഒടിയന്. ഒരു മലയാള ചിത്രം ഈ ലിസ്റ്റില്‍ ഇടം നേടുന്നത്‌ ആദ്യമാണ്‌.
ബോളിവുഡ്‌
മുന്‍ താരങ്ങളായ രണ്‍വീര്‍ സിംഗിന്റെയും ഇമ്രാന്‍ ഹാഷ്‌മിയുടെയും ചിത്രങ്ങളെ
ബഹുദൂരം പിന്നിലാക്കിയാണ്‌ മോഹന്‍ലാലിന്റെ ഒടിയന് മുന്നിലെത്തിയത്‌. റിയല്‍ ടൈം
പോപ്പുലാരിറ്റിയുടെ അടിസ്ഥാനത്തിലാണ്‌ ലിസ്റ്റ്‌ തയ്യാറാക്കിയിരിക്കുന്നത്‌.
ലിസ്റ്റില്‍ ഒന്നാമതെത്തിയിരിക്കുന്നത്‌ രജനീകാന്ത്‌ശങ്കര്‍ ചിത്രം യന്തിരന്‍
2.0യാണ്‌. കന്നഡ ബ്രഹ്മാണ്ഡ ചിത്രം കെ ജി എഫിന്‌ രണ്ടാം സ്ഥാനവും ഷാരൂഖിന്റെ
സീറോയ്‌ക്ക്‌ മൂന്നാം സ്ഥാനവുമാണുള്ളത്‌.
ഇന്നലെ പുറത്തു വിട്ട ഒടിയനിലെ
ആദ്യഗാനത്തിന്‌ വമ്പന്‍ സ്വീകരണമാണ്‌ സോഷ്യല്‍ മീഡിയയില്‍ നിന്ന്‌ ലഭിച്ചത്‌.
യൂട്യൂബിലൂടെ റിലീസ്‌ ചെയ്‌ത പാട്ട്‌ ഒരു മണിക്കൂറിനുള്ളില്‍ ഒരുലക്ഷം വ്യൂസാണ്‌
നേടിയെടുത്തത്‌.
ഒടിയന് ഔദ്യോഗിക ഫെയ്‌സ്‌ബുക്ക്‌ പേജില്‍ ഇത്‌ റെക്കോഡാണെന്ന്‌
പോസ്റ്റ്‌ ചെയ്‌തിട്ടുണ്ട്‌. ലിറിക്കല്‍ വീഡിയോയാണ്‌ പുറത്തു വിട്ടിരിക്കുന്നത്‌.
റഫീക്ക്‌ അഹമ്മദിന്റെ വരികള്‍ക്ക്‌ സംഗീതം പകര്‍ന്നിരിക്കുന്നത്‌ എം ജയ ചന്ദ്രനാണ്‌
ആലപിച്ചിരിക്കുന്നത്‌ സുധീപ്‌ ചന്ദ്രനും ശ്രേയ ഘോഷലുമാണ്‌.
അതേസമയം,
ഡിസംബര്‍ പതിനാലിന്‌ കേരളത്തില്‍ റിലീസ്‌ ചെയ്യുന്നതിനൊപ്പം തന്നെ ഗള്‍ഫിലും
അമേരിക്കയിലും ബ്രിട്ടനിലും യൂറോപ്പിലും ഓസ്‌ട്രേലിയയിലും ചിത്രം എത്തും.
റിപ്പോര്‍ട്ടനുസരിച്ച്‌ അതേദിവസം തന്നെ ജപ്പാനിലും ചിത്രമെത്തുമെന്നാണ്‌ സൂചന.
സ്‌പേസ്‌ ബോക്‌സ്‌ ജപ്പാന്‍ എന്ന വിതരണക്കാരാണ്‌ ചിത്രം
ജപ്പാനിലെത്തിക്കുന്നത്‌.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala