ക്രിസ്ത്യന്‍ റിവൈവല്‍ ഫെലോഷിപ്പ്  (സി ആര്‍ എഫ്) ന്റെ ആഭിമുഖ്യത്തില്‍ നടത്തപ്പെടുന്ന ബൈബിള്‍   കണ്‍വന്‍ഷനുകള്‍ നവംബര്‍ 23 മുതല്‍ ഡിസംബര്‍ 2 വരെ  അമേരിക്കയിലെ വിവിധ സംസ്ഥാനങ്ങളില്‍ നടത്തപ്പെടുന്നു.  പ്രമുഖ സുവിശേഷ പ്രഭാഷകരായ ജോണ്‍ കുര്യാക്കോസ്, സാജു കുര്യാക്കോസ് എന്നിവര്‍  പ്രസ്തുത കണ്‍വന്‍ഷനുകളില്‍   പ്രസംഗിക്കുന്നു, പ്രത്യുത സമ്മേളനങ്ങളില്‍ പ്രൊഫെസ്സര്‍ എം വൈ യോഹന്നാന്‍ നല്‍കുന്ന  വീഡിയോ  മെസ്സേജും ഉണ്ടായിരിക്കും.

ഡെന്റ് കെയര്‍ ഡെന്റല്‍ ലാബ്‌സ് എന്ന പ്രമുഖ മള്‍ട്ടി  നാഷണല്‍ ബിസിനസ് സംരംഭത്തിന്റെ തലപ്പത്തു നിന്നാണ് കമ്പനി  മാനേജിങ് ഡയറക്ടര്‍  ജോണ്‍  കുര്യാക്കോസ് ക്രിസ്ത്യന്‍ റിവൈവല്‍ ഫെലോഷിപ്പ്‌ന്റെ  സുവിശേഷ പ്രവര്‍ത്തനങ്ങള്‍ക്ക് സമയം കണ്ടെത്തുന്നത്, കേരളത്തിലെ ഒരു ഗ്രാമ പശ്ചാത്തലത്തില്‍ ഒന്നുമില്ലായ്മയില്‍ നിന്നും വന്ന  ജോണ്‍  കുര്യാക്കോസ് എന്ന യുവാവില്‍ നിന്നും ഡെന്റല്‍ ഇമ്പ്‌ലാന്റ്‌സ് മാനുഫാക്ചറിംഗ് രംഗത്തെ ലോകത്തെ വന്‍കിട കമ്പനികളില്‍ ഒന്നായ  ഡെന്റ് കെയര്‍ ഡെന്റല്‍ ലാബ്‌സ് എന്ന പ്രമുഖ മള്‍ട്ടി  നാഷണല്‍ ബിസിനസ് സംരംഭത്തിന്റെ തലവനിലേക്കുള്ള വളര്‍ച്ച  അദ്ദേഹത്തിന്  രക്ഷകനായ യേശുക്രിസ്തുവിലുള്ള അടിയുറച്ച  വിശ്വാസവും സുവിശേഷ പ്രവര്‍ത്തനങ്ങളില്‍ കൂടെ  ജീവിതത്തില്‍  കൈവന്ന രൂപാന്തരവും കാരണമാണെന്ന്  അദ്ദേഹം വിശ്വസിക്കുന്നു,

ഡെന്റ് കെയര്‍ ഡെന്റല്‍ ലാബ്‌സ്‌ന്റെ ഡയറക്ടര്‍ ആയി പ്രവര്‍ത്തിക്കുന്ന സഹോദരന്‍ സാജു കുര്യാക്കോസ് ജീവിതത്തില്‍ സുവിശേഷ പ്രവര്‍ത്തനങ്ങള്‍ക്ക്  കൂടുതല്‍ പ്രാമുഖ്യം കൊടുത്തു കൊണ്ട് ക്രിസ്ത്യന്‍ റിവൈവല്‍ ഫെലോഷിപ്പ്‌ന്റെ ഗായക സംഘമായ അമൃതധാരയ്ക്കു നേതൃത്വം നല്‍കുന്നു, 

യഹോവയിങ്കലേക്കു തിരിഞ്ഞാല്‍ നീയും നിന്റെ കുടുംബവും അഭിവൃദ്ധി പ്രാപിക്കും എന്ന വചനപ്രകാരം യേശുവിന്റെ അനുഗ്രഹത്തിന് സാക്ഷികളായി ജോണ്‍ കുര്യാക്കോസും സാജു കുര്യാക്കോസും ലോകമെങ്ങും ദൈവവചനപ്രഘോഷങ്ങള്‍ക്കു നേതൃത്വം നല്‍കുന്നു.

ലോകമെങ്ങും നിര്‍മല സുവിശേഷത്തിന്റെ മഹത് സന്ദേശം പ്രഘോഷിക്കുന്ന  പ്രൊഫെസ്സര്‍ എം വൈ യോഹന്നാന്‍ ( മുന്‍ പ്രിന്‍സിപ്പല്‍  കോലഞ്ചേരി  സെന്റ് പീറ്റേഴ്‌സ് കോളേജ് ) നേതൃത്വം നല്‍കുന്ന ക്രിസ്ത്യന്‍ റിവൈവല്‍ ഫെലോഷിപ്പ്  എന്ന പ്രസ്ഥാനം അര നൂറ്റാണ്ടായി  കോലഞ്ചേരി ആസ്ഥാനമായി സഭാ വ്യത്യാസമില്ലാതെ പ്രവര്‍ത്തിക്കുന്ന സുവിശേഷ പ്രസ്ഥാനമാണ്, യേശുക്രിസ്തു വഴി ലഭിക്കുന്ന ഹൃദയ വിശുദ്ധീകരണം ലക്ഷ്യമിട്ട്, സഭയോ സമുദായമോ മാറുകയല്ല  മറിച്ചു ഹൃദയമാണ് രൂപാന്തരപ്പെടേണ്ടത് എന്നും  മനസാന്തരമാണ് ഈ  കാലഘട്ടത്തിന്റെ ആവശ്യമെന്നുമാണ്  ഫെലോഷിപ്പ്  പ്രചരിപ്പിക്കുന്നത്.

ഫെലോഷിപ്പിന്റെ കണ്‍വന്‍ഷനുകള്‍ നടക്കുന്ന ദിവസ്സങ്ങള്‍ താഴെപ്പറയുന്നു,

നവംബര്‍  23  ക്യുന്‍സ് ന്യൂ യോര്‍ക്ക്, 

നവംബര്‍  24 ന്  ഫിലാഡല്‍ഫിയ, പെന്‍സില്‍വാനിയ

നവംബര്‍ 25 റോക്ക് ലാന്‍ഡ്, ന്യൂ യോര്‍ക്ക്

നവംബര്‍ 26  യോങ്കേഴ്‌സ്,ന്യൂ യോര്‍ക്ക്,

നവംബര്‍ 27  പരാമസ്, ന്യൂ ജേഴ്‌സി,

നവംബര്‍ 28 അറ്റ്‌ലാന്റ ജോര്‍ജിയ,

നവംബര്‍ 29  ഡെന്‍വര്‍ കൊളറാഡോ 

നവംബര്‍ 30 ഹ്യൂസ്റ്റണ്‍ ടെക്‌സാസ്,

ഡിസംബര്‍ 1  ഡാലസ് ടെക്‌സാസ്,

ഡിസംബര്‍ 2  ഓസ്റ്റിന്‍, ടെക്‌സസ്,

ക്രിസ്ത്യന്‍ റിവൈവല്‍ ഫെലോഷിപ്പിന്റെ ആഭിമുഖ്യത്തില്‍  നടത്തപ്പെടുന്ന ഈ സുവിശേഷ  മഹായോഗങ്ങളിലേക്ക് എല്ലാ വിശ്വാസികളെയും സ്വാഗതം ചെയ്യുന്നതായി സംഘാടകര്‍ അറിയിച്ചു.

കൂടുതല്‍ വിവരങ്ങള്‍ക്ക്  വിളിക്കുക : വി. ഗീവര്‍ഗീസ്    845 268 4436. 

                                                                        : ബേബി വര്‍ഗീസ്  845  268  0338