Image

ഒരു കോക്കസിന്റെയും ഭാഗമല്ല ഞാന്‍, കിട്ടുന്ന കഥാപാത്രങ്ങള്‍ തട്ടിക്കളഞ്ഞാല്‍ ഭാര്യയും കുഞ്ഞും പട്ടിണിയാകും': വിനയ്‌ ഫോര്‍ട്ട്‌

Published on 09 December, 2018
ഒരു കോക്കസിന്റെയും ഭാഗമല്ല ഞാന്‍, കിട്ടുന്ന കഥാപാത്രങ്ങള്‍ തട്ടിക്കളഞ്ഞാല്‍ ഭാര്യയും കുഞ്ഞും പട്ടിണിയാകും': വിനയ്‌ ഫോര്‍ട്ട്‌


നല്ല കഥാപാത്രങ്ങള്‍ തേടി വരുമെന്ന വിശ്വാസം തനിക്കുണ്ടെന്ന്‌ വിനയ്‌ ഫോര്‍ട്ട്‌. ഇന്നും ആളുകള്‍ക്കിടയില്‍ പ്രേമത്തിലെ വിമല്‍ സാറായി താന്‍ അറിയപ്പെടുന്നുണ്ടെങ്കില്‍ അത്‌ തന്റെ മാത്രം പരിമിതിയാണെന്നും ഒരു മാസികയുമായുള്ള അഭിമുഖത്തില്‍ വിനയ്‌ പറയുന്നു. സിനിമയില്‍ എനിക്ക്‌ ഒരു ഗോഡ്‌ഫാദറില്ല, ഇതുവരെ ഒരു കോക്കസിന്റെയും ഭാഗവുമല്ല ഞാന്‍.

എന്നെ സംബന്ധിച്‌്‌ സിനിമ സെലക്ട്‌ ചെയ്യുക എന്നത്‌ ഒരു വെല്ലുവിളി തന്നെയാണ്‌. ഒരു പാട്‌ ചോയ്‌സുകള്‍ എന്റെ മുന്നിലില്ല. എന്നാല്‍ വലിയ ഇടവേളകള്‍ ഇല്ലാതെ പടം ചെയ്യുകയും വേണം. നല്ല സിനിമ ചെയ്യണമെന്ന ആഗ്രഹം മനസ്സിലുണ്ട്‌ താനും. ഇന്നും പ്രേമത്തിലെ വിമല്‍ സാറായി അറിയപ്പെടുന്നെങ്കില്‍ അത്‌ എന്റെ പരിമിതി തന്നെയാണ്‌ വിനയ്‌ വ്യക്തമാക്കി.

പ്രേമത്തിന്‌ മുമ്പ്‌ ഞാന്‍ ചെയ്‌ത ചില തീവ്രമായ കഥാപാത്രങ്ങള്‍ എനിക്ക്‌ നഷ്ടമായി. പിന്നീട്‌ കിട്ടിയതെല്ലാം നന്മ നിറഞ്ഞ, തമാശക്കാരനായ പാവം വേഷങ്ങളാണ്‌. അതിനെ പൊളിച്ചെഴുതിയ ഒരു കഥാപാത്രം കിസ്‌മത്തിലെ അജയ്‌ സി മേനോന്‍ ആണ്‌.

അതു പോലൊരു സിനിമ പ്രേമത്തിന്റെ പകുതി വിജയം നേടിയിരുന്നെങ്കില്‍ കഥ മാറിയേനെ.ഡാര്‍ക്‌ ഷേഡുള്ള കഥാപാത്രങ്ങളാണ്‌ മനസ്സുകൊണ്ട്‌ ഇഷ്ടം, എന്നു വെച്ച്‌
കിട്ടുന്ന കഥാപാത്രങ്ങള്‍ തട്ടിക്കളഞ്ഞാല്‍ ഭാര്യയും കുഞ്ഞും പട്ടിണിയായി പോകും വിനയ്‌ ഫോര്‍ട്ട്‌ കൂട്ടിച്ചേര്‍ത്തു.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക