കോട്ടയം: മുണ്ടക്കയത്ത്‌ ശബരിമല കാനനപാതയില്‍ കാട്ടാനക്കൂട്ടത്തിന്റെ ആക്രമണത്തില്‍ ചിതറിയോടിയ തീര്‍ഥാടകരെ വനപാലകരും പോലീസും തിരച്ചില്‍ നടത്തി കണ്ടെത്തി. സംഘം വെള്ളി 10 മണിയോടെ മുക്കുഴിയില്‍ തിരികെ എത്തിയത്‌. പരുക്കേറ്റ 7 പേരെ കാഞ്ഞിരപ്പള്ളി ജനറല്‍ ആശുപത്രിയിലും പിന്നീട്‌ കോട്ടയം മെഡിക്കല്‍ കോളജിലും പ്രവേശിപ്പിച്ചിരുന്നു.

ശബരിമല കാനന പാതയില്‍ കാട്ടാനയുടെ ആക്രമണത്തില്‍ പരുക്കേറ്റ 7 പേരെയാണ്‌ കോട്ടയം മെഡിക്കല്‍ കോളജ്‌ ആശുപത്രിയില്‍ പ്രവേശിപ്പിച്ചത്‌. മുക്കുഴി അമ്പലത്തിനു സമീപം അര കിലോമീറ്റര്‍ മാറിയാണ്‌ ആനയുടെ അക്രമത്തില്‍ തീര്‍ഥാടകര്‍ക്ക്‌ പരുക്കേറ്റത്‌.

ആന്ധ്രാപ്രദേശ്‌, കര്‍ണാടക, തമിഴ്‌നാട്‌ സംസ്ഥാനങ്ങളില്‍ നിന്നുള്ള 24 അംഗ സംഘമാണ്‌ ആനയുടെ മുന്‍പില്‍ പെട്ടത്‌. 9 ആളുകള്‍ ആദ്യം ഓടി മുക്കുഴി ക്ഷേത്രത്തില്‍ എത്തിയിരുന്നു. ശേഷിച്ച ആളുകള്‍ പല വഴിക്കായി ഓടുകയും 10 മണിയോടെ മുക്കുഴിയിലും ചീനിത്താവളത്തും എത്തുകയും ചെയ്‌തു. മംഗലാപുരത്ത്‌ നിന്നുള്ള സംഘം പിന്നീട്‌ ദര്‍ശനത്തിന്‌ പോയില്ല