മാതാ അമൃതാനന്ദമയിക്കെതിരെ കോടിയേരി ബാലകൃഷ്ണന് നടത്തിയ പരാമര്ശത്തിനോട് തന്റെ അഭിപ്രായം തുറന്ന് പറഞ്ഞ് ആര് ബാലകൃഷ്ണപിള്ള. കോടിയേരി പറഞ്ഞതില് തെറ്റില്ല. അത് അദ്ദേഹത്തിന്റെ രാഷ്ട്രീയ വീക്ഷണം മാത്രമാണ്. പ്രശ്നങ്ങള് ഉണ്ടാക്കണം എന്ന് ആഗ്രഹിക്കുന്നവര് മാത്രമാണ് ഇതൊക്കെ വിവാദമാക്കുന്നതെന്ന് അദ്ദേഹം പറഞ്ഞു.
മഠത്തില് പല പ്രായക്കാര് വരുന്നു, അമൃതാനന്ദമയിക്ക് നൈഷ്ഠിക ബ്രഹ്മചര്യം നഷ്ടപ്പെട്ടോ എന്നായിരുന്നു കോടിയേരിയുടെ വിവാദ പരാമര്ശം. ആര്എസ്എസ് സംഘടിപ്പിച്ച പരിപാടിയില് പങ്കെടുത്തത് ശരിയായില്ലെന്നും മഠങ്ങള് രാഷ്ട്രീയത്തിന് അതീതരായിരിക്കണമെന്നും കോടിയേരി പറഞ്ഞിരുന്നു.
ലോക്സഭാ തെരഞ്ഞെടുപ്പില് കേരളാ കോണ്ഗ്രസ് സീറ്റ് ആവശ്യപ്പെടില്ല. ലക്ഷ്യം ബിജെപി സര്ക്കാരിന്റെ പതനം മാത്രമാണ്. എല്ഡിഎഫ് നില മെച്ചപ്പെടുത്തും. താന് പങ്കെടുത്തതു കൊണ്ടാണോ കഴിഞ്ഞ എല്ഡിഎഫ് യോഗത്തില് നിന്ന് വിഎസ് വിട്ടുനിന്നത് എന്ന് അദ്ദേത്തോടു തന്നെ ചോദിക്കണമെന്നും അദ്ദേഹം പറഞ്ഞു.