ഐഎസ്ആര്ഒ മുന് ശാസ്ത്രഞ്ജന് നമ്ബി നാരായണന്റെ ജീവിതകഥയെ ആസ്പദമാക്കി ഒരുക്കുന്ന റോക്കറ്റ്റി: ദി നമ്ബി ഇഫക്ടിന്റെ ചിത്രീകരണം ആരംഭിച്ചു. നമ്ബി നാരായണന്റെ ജീവിതത്തിലെ 27 മുതല് 70 വയസ്സുവരെയുളള കാലഘട്ടത്തിലൂടെയാണ് സിനിമ കടന്നു പോകുന്നത്. മാധവന് നമ്ബിയായി എത്തുന്ന ചിത്രം സംവിധാനം ചെയ്യുന്നതും മാധവന് തന്നെയാണ്.
ഇപ്പോഴിതാ പ്രേക്ഷകരോട് അനുഗ്രഹം ചോദിച്ച് താരം രംഗത്തെത്തിയിട്ടുണ്ട്. എല്ലാവരുടേയും അനുഗ്രഹം വേണമെന്ന് താരം പറഞ്ഞു. തന്റെ ഹൃദയത്തോട് ഏറ്റവും അടുത്തു നില്ക്കുന്ന ചിത്രമാണിത്. നല്ല രീതിയില് തന്നെ ചിത്രം ഒരുങ്ങുന്നുണ്ടെന്നും മാധവന് വ്യക്തമാക്കി. മാധവനും ആനന്ദ് മഹാദേവനും ചേര്ന്ന് സംവിധാനം ചെയ്യാനിരുന്ന ചിത്രത്തില് നിന്ന് തിരക്കുകള് മൂലം ആനന്ദ് പിന്മാറുകയായിരുന്നു. ചിത്രത്തില് മാധവനെ സഹായിക്കാന് മലയാളി സംവിധായകന് പ്രജേഷ് സെന് എത്തുന്നുണ്ട്.