ധനുഷിന്റെ അസുരനില്‍ മഞ്ജു വാര്യര്‍ നായിക; തമിഴില്‍ മഞ്ജുവിന്റെ അരങ്ങേറ്റം
Published on 25 January, 2019
ധനുഷിനെ നായകനാക്കി വെട്രിമാരന്‍ സംവിധാനം ചെയ്യുന്ന അസുരനില്‍ മലയാളത്തിന്റെ ലേഡി സൂപ്പര്‍സ്റ്റാര്‍ മഞ്ജു വാര്യര്‍ അഭിനയിക്കുന്നു. ധനുഷിനൊപ്പം നായികയായിത്തന്നെയാണ് സിനിമയില്‍ മഞ്ജുവെത്തുക. ചിത്രീകരണം ഈ മാസം 26ന് ആരംഭിക്കുമൈന്നും മഞ്ജു വാര്യര്‍ ചിത്രത്തിലെ പ്രധാന സ്ത്രീ കഥാപാത്രത്തെ അവതരിപ്പിക്കുന്നുവെന്നും ധനുഷ് ട്വീറ്ററിലൂടെ പുറത്തുവിട്ടു. ധനുഷിനും വെട്രിമാരനും നന്ദി അറിയിച്ച്‌ മഞ്ജുവും ഫേസ്ബുക്കില്‍ പോസ്റ്റിട്ടു. ഏറെ നിരൂപക ശ്രദ്ധയും ഒപ്പം ബോക്സോഫീസില്‍ വന്‍ ചലനവും ഉണ്ടാക്കിയ വട ചെന്നൈയ്ക്ക് ശേഷം ധനുഷും വെട്രിമാരനും ഒന്നിക്കുന്ന ചിത്രമാണ് അസുരന്‍. ഒടിയനു ശേഷം ലൂസിഫര്‍, ജാക്ക് ആന്റ് ജില്‍, മരയ്ക്കാര്‍ എന്നീ സിനിമകളാണ് മഞ്ജുവിന്റേതായി മലയാളത്തില്‍ റിലീസിനൊരുങ്ങന്നത്.പ്രശസ്ത തമിഴ് സാഹിത്യകാരന്‍ പൂമണിയുടെ വെക്കൈ എന്ന നോവലിനെ ആധാരമാക്കിയാണ് അസുരന്‍ ഒരുക്കുന്നത് എന്നാണ് റിപ്പോര്‍ട്ട്. വട ചെന്നൈക്ക് ശേഷം വെട്രിമാരനും ധനുഷും വീണ്ടും ഒന്നിക്കുമ്ബോള്‍ പ്രതികാരകഥയുടെ പശ്ചാത്തലത്തില്‍ തന്നെയാണ് ചിത്രം ഒരുങ്ങുന്നത്. ധനുഷിന് ദേശീയ അവാര്‍ഡ് നേടിക്കൊടുത്ത ആടുകളം സംവിധാനം ചെയ്തത് വെട്രിമാരനായിരുന്നു, സംഗീത സംവിധായകനുമായ ജി വി പ്രകാശ് ആണ് ചിത്രത്തിലെ ഗാനങ്ങള്‍ക്ക് ഈണം പകരുന്നത്. വി ക്രിയേഷന്‍സിന്റെ ബാനറില്‍ കലൈപുലി എസ് താനു ആണ് അസുരന്‍ നിര്‍മ്മിക്കുന്നത്.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala