എന്‍ഒസി ഇല്ലാത്ത എല്ലാ നിര്‍മാണവും തടയും; മൂന്നാറില്‍ രേണു രാജ് രണ്ടുംകല്‍പ്പിച്ച്‌
Published on 11 February, 2019
ദേവികുളം: മൂന്നാര്‍ കൈയേറ്റങ്ങളില്‍ കര്‍ശന നടപടിയുമായി മുന്നോട്ടുപോകുമെന്ന് ദേവികുളം സബ് കളക്ടര്‍ രേണു രാജ്. മൂന്നാറില്‍ എഒസി ഇല്ലാതെ പ്രവര്‍ത്തിക്കുന്ന എല്ലാ നിര്‍മാണ പ്രവര്‍ത്തനങ്ങളും നിര്‍ത്തിവയ്ക്കാന്‍ നിര്‍ദേശിക്കുമെന്നും മൂന്നാര്‍ പഞ്ചായത്തിന്‍റെ നിര്‍മാണ പ്രവര്‍ത്തനത്തിനു നിയമസാധുതയില്ലെന്നും രേണു രാജ് പറഞ്ഞു. എസ്.രാജേന്ദ്രന്‍ എംഎല്‍എയ്ക്കെതിരേ എജിക്കു നല്‍കിയ റിപ്പോര്‍ട്ട് വ്യക്തിപരമല്ലെന്നും എംഎല്‍എയ്ക്കെതിരേ വ്യക്തിപരമായി പരാതി നല്‍കില്ലെന്നും അവര്‍ വ്യക്തമാക്കി. നേരത്തെ, എസ്.രാജേന്ദ്രന്‍ എംഎല്‍എയ്ക്കെതിരേ കോടതിയലക്ഷ്യ നടപടി സ്വീകരിക്കണം എന്നാവശ്യപ്പെട്ട് ദേവികുളം സബ് കളക്ടര്‍ രേണു രാജ് അഡ്വക്കേറ്റ് ജനറലിന് റിപ്പോര്‍ട്ട് സമര്‍പ്പിച്ചിരുന്നു. സ്റ്റോപ്പ് മെമ്മോ അവഗണിച്ച്‌ പഞ്ചായത്ത് പുഴയോരത്തു നടത്തുന്ന അനധികൃത നിര്‍മാണം സംബന്ധിച്ചാണ് എജിക്ക് റിപ്പോര്‍ട്ട് സമര്‍പ്പിച്ചത്.
അനധികൃത നിര്‍മാണം നടന്നത് എംഎല്‍എയുടെ സാന്നിധ്യത്തിലാണെന്നും പഞ്ചായത്തിന്‍റെ നിര്‍മാണം കോടതി വിധിയുടെ ലംഘനമാണെന്നും റിപ്പോര്‍ട്ടില്‍ പറയുന്നു. സ്റ്റോപ്പ് മെമ്മോ നല്‍കിയിട്ടും നിര്‍മാണം നിര്‍ത്തി വച്ചില്ല, ഒപ്പം ഉദ്യോഗസ്ഥരെ തടയുകയും ചെയ്തു. അതിനാല്‍ കോടതിയലക്ഷ്യ നടപടി സ്വീകരിക്കണമെന്ന് റിപ്പോര്‍ട്ടില്‍ പറയുന്നു. അതേസമയം എംഎല്‍എയുടെ വ്യക്തിപരമായ പരാമര്‍ശങ്ങള്‍ റിപ്പോര്‍ട്ടില്‍ ഇല്ല.പ്രളയത്തില്‍ വെള്ളം കയറിയ ഭാഗങ്ങളില്‍ നടത്തുന്ന നിര്‍മാണം അനധികൃതമാണെന്നു കണ്ടെത്തിയതിന്‍റെ അടിസ്ഥാനത്തിലാണ് നിര്‍മാണം നിര്‍ത്തിവയ്ക്കാന്‍ സബ് കളക്ടര്‍ നോട്ടീസ് നല്‍കിയത്. കെഡിഎച്ച്‌ വില്ലേജ് ഓഫീസര്‍ അയൂബ് ഖാന്‍ പഞ്ചായത്തില്‍ നേരിട്ടെത്തിയാണ് നോട്ടീസ് കൈമാറിയത്. ഇത് അവഗണിച്ചു പഞ്ചായത്ത് സെക്രട്ടറി നിര്‍മാണം തുടരുകയായിരുന്നു. നോട്ടീസ് നല്‍കാനെത്തിയ റവന്യു ഉദ്യോഗസ്ഥരെ എസ്. രാജേന്ദ്രന്‍ എംഎല്‍എയുടെ നേതൃത്വത്തില്‍ പഞ്ചായത്ത് പ്രതിനിധികളടക്കം തടയുകയും നടപടി സ്വീകരിച്ച ഉദ്യോഗസ്ഥനെ അപമാനിക്കുകയും ചെയ്തു.
അനധികൃത നിര്‍മാണം നടന്നത് എംഎല്‍എയുടെ സാന്നിധ്യത്തിലാണെന്നും പഞ്ചായത്തിന്‍റെ നിര്‍മാണം കോടതി വിധിയുടെ ലംഘനമാണെന്നും റിപ്പോര്‍ട്ടില്‍ പറയുന്നു. സ്റ്റോപ്പ് മെമ്മോ നല്‍കിയിട്ടും നിര്‍മാണം നിര്‍ത്തി വച്ചില്ല, ഒപ്പം ഉദ്യോഗസ്ഥരെ തടയുകയും ചെയ്തു. അതിനാല്‍ കോടതിയലക്ഷ്യ നടപടി സ്വീകരിക്കണമെന്ന് റിപ്പോര്‍ട്ടില്‍ പറയുന്നു. അതേസമയം എംഎല്‍എയുടെ വ്യക്തിപരമായ പരാമര്‍ശങ്ങള്‍ റിപ്പോര്‍ട്ടില്‍ ഇല്ല.പ്രളയത്തില്‍ വെള്ളം കയറിയ ഭാഗങ്ങളില്‍ നടത്തുന്ന നിര്‍മാണം അനധികൃതമാണെന്നു കണ്ടെത്തിയതിന്‍റെ അടിസ്ഥാനത്തിലാണ് നിര്‍മാണം നിര്‍ത്തിവയ്ക്കാന്‍ സബ് കളക്ടര്‍ നോട്ടീസ് നല്‍കിയത്. കെഡിഎച്ച്‌ വില്ലേജ് ഓഫീസര്‍ അയൂബ് ഖാന്‍ പഞ്ചായത്തില്‍ നേരിട്ടെത്തിയാണ് നോട്ടീസ് കൈമാറിയത്. ഇത് അവഗണിച്ചു പഞ്ചായത്ത് സെക്രട്ടറി നിര്‍മാണം തുടരുകയായിരുന്നു. നോട്ടീസ് നല്‍കാനെത്തിയ റവന്യു ഉദ്യോഗസ്ഥരെ എസ്. രാജേന്ദ്രന്‍ എംഎല്‍എയുടെ നേതൃത്വത്തില്‍ പഞ്ചായത്ത് പ്രതിനിധികളടക്കം തടയുകയും നടപടി സ്വീകരിച്ച ഉദ്യോഗസ്ഥനെ അപമാനിക്കുകയും ചെയ്തു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala