Image

ദല്‍ഹിയില്‍ വീണ്ടും തീപിടിത്തം; ഇരുന്നൂറിലേറെ കുടിലുകള്‍ കത്തി നശിച്ചു

Published on 13 February, 2019
ദല്‍ഹിയില്‍ വീണ്ടും തീപിടിത്തം; ഇരുന്നൂറിലേറെ കുടിലുകള്‍ കത്തി നശിച്ചു
ന്യൂദല്‍ഹി: ദല്‍ഹിയില്‍ വീണ്ടും തീപിടിത്തം. ബഹ്‌റൈചിലെ കൊട്ട്‌വാലി ദെഹത്‌ പൊലീസ്‌ സ്‌റ്റേഷന്‍ പരിധിയിലെ ചേരിയിലാണ്‌ തീപിടുത്തമുണ്ടായത്‌.

പുലര്‍ച്ചെയുണ്ടായ തീപിടിത്തത്തില്‍ ഇരുന്നൂറിലേറെ കുടിലുകള്‍ കത്തി നശിച്ചതായാണ്‌ വിവരം.

അപകടത്തില്‍ ഒരു സ്‌ത്രീക്ക്‌ പരിക്കേറ്റിട്ടുണ്ട്‌. ഇവരെ ആശുപത്രിയില്‍ പ്രവേശിപ്പിച്ചിരിക്കുകയാണ്‌. അഗ്‌നിശമനസേനയുടെ 25 യൂണിറ്റ്‌ സ്ഥലത്തെത്തിയാണ്‌ പിന്നീട്‌ തീയണച്ചതെന്ന്‌ അധികൃതര്‍ അറിയിച്ചു.

ഇന്നലെ കരോള്‍ബാഗിലെ ഹോട്ടലിലുണ്ടായ വന്‍ തീപിടിത്തത്തില്‍ മൂന്നു മലയാളികള്‍ ഉള്‍പ്പെടെ 17 പേര്‍ മരിച്ചിരുന്നു.

35 പേര്‍ക്ക്‌ പരിക്കേല്‍ക്കുകയും ചെയ്‌തു. ചൊവ്വാഴ്‌ച പുലര്‍ച്ച നാലു മണിയോടെ ഹോട്ടല്‍ അര്‍പ്പിത പാലസിലാണ്‌ തലസ്ഥാന നഗരിയെ നടുക്കിയ അഗ്‌നിബാധയുണ്ടായത്‌


Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക