പുല്‍വാമ ഭീകരാക്രമണം: കേന്ദ്രസര്‍ക്കാര്‍ സര്‍വകക്ഷിയോഗം വിളിച്ചു
Published on 15 February, 2019
ന്യൂഡല്‍ഹി : പുല്‍വാമ ഭീകരാക്രമണത്തിന്റെ പശ്ചാത്തലത്തില്‍ കേന്ദ്രസര്‍ക്കാര്‍ നാളെ സര്‍വകക്ഷിയോഗം വിളിച്ചു. കേന്ദ്ര ആഭ്യന്തരമന്ത്രി രാജ്‌നാഥ്‌ സിങിന്റെ അധ്യക്ഷതയില്‍ ശനിയാഴ്‌ച രാവിലെ 11 മണിക്ക്‌ പാര്‍ലമെന്‍റ്‌ ലൈബ്രറിയിലാണ്‌ യോഗം.
ഭീകരാആക്രമണത്തിന്‌ പിന്നാലെ പാകിസ്‌താന്‌ നല്‍കിയ സൗഹൃദരാഷ്‌ട്രപദവി ഇന്ത്യ പിന്‍വലിച്ചു. വാഗാ അതിര്‍ത്തി വഴി പാകിസ്‌താനിലേക്കുള്ള വ്യാപാരബന്ധങ്ങളും ഇന്ത്യ അവസാനിപ്പിക്കുന്നതായി ധനമന്ത്രി അരുണ്‍ ജെയ്‌റ്റ്‌ലി അറിയിച്ചു.
പുല്‍വാമ ഭീകരാക്രമണത്തിന്റെ പശ്ചാത്തലത്തില്‍ സുരക്ഷാ ചുമതലയുള്ള മന്ത്രിസഭാ ഉപസമിതി ഇന്ന്‌ ഉച്ചയോടെ യോഗം ചേര്‍ന്നിരുന്നു.
പ്രധാനമന്ത്രിയുടെ അധ്യക്ഷതയില്‍ ചേര്‍ന്ന യോഗത്തില്‍ പ്രതിരോധ മന്ത്രി നിര്‍മ്മലാ സീതാരാമന്‍, ആഭ്യന്തരമന്ത്രി രാജനാഥ്‌സിങ്‌, വിദേശ കാര്യമന്ത്രി സുഷമ സ്വരാജ്‌, ധനമന്ത്രി അരുണ്‍ ജെയ്‌റ്റ്‌ലി, ദേശീയ സുരക്ഷ ഉപദേഷ്‌ടാവ്‌ അജിത്ത്‌ ദോവല്‍ എന്നിവരും വിവിധ സൈനിക മേധാവികളും പങ്കെടുത്തു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala