ത്ഥനകളിൽ വച്ച് ഏറ്റവും അർത്ഥവത്തായ ഒരു പ്രാത്ഥനയാണ്   സ്വർഗ്ഗസ്ഥനായ പിതാവേ എന്ന പ്രാത്ഥന 

സ്വർഗ്ഗസ്ഥനായ ഞങ്ങളുടെ പിതാവേ, 

നിന്റെ നാമം വിശുദ്ധീകരിക്കപ്പെടേണമേ; 

നിന്റെ രാജ്യം വരേണമേ; 

നിന്റെ ഇഷ്ടം സ്വർഗ്ഗത്തിലെപ്പോലെ ഭൂമിയിലും ആകേണമേ; 

ഞങ്ങൾക്കു ആവശ്യമുള്ള ആഹാരം ഇന്നു തരേണമേ; 

ഞങ്ങളുടെ കടക്കാരോടു ഞങ്ങൾ ക്ഷിമിച്ചിരിക്കുന്നതുപോലെ

ഞങ്ങളുടെ കടങ്ങളെ ഞങ്ങളോടും ക്ഷമിക്കേണമേ; 

ഞങ്ങളെ പരീക്ഷയിൽ കടത്താതെ ദുഷ്ടങ്കൽനിന്നു ഞങ്ങളെ വിടുവിക്കേണമേ. 

രാജ്യവും ശക്തിയും മഹത്വവും എന്നേക്കും നിനക്കുള്ളതല്ലോ. 

നിങ്ങൾ മനുഷ്യരോടു അവരുടെ പിഴകളെ ക്ഷമിച്ചാൽ, 

സ്വർഗ്ഗസ്ഥനായ നിങ്ങളുടെ പിതാവു നിങ്ങളോടും ക്ഷമിക്കും. 

നിങ്ങൾ മനുഷ്യരോടു പിഴകളെ ക്ഷമിക്കാഞ്ഞാലോ 

നിങ്ങളുടെ പിതാവു നിങ്ങളുടെ പിഴകളെയും ക്ഷമിക്കയില്ല. 

"പ്രാര്ഥിക്കയിൽ  നിങ്ങൾ ജാതികളെപ്പോലെ ജല്പനം ചെയ്യരുതു; അതിഭാഷണത്താൽ ഉത്തരം കിട്ടും എന്നല്ലോ അവർക്കു തോന്നുന്നതു.  അവരോടു തുല്യരാകരുതു; നിങ്ങൾക്കു ആവശ്യമുള്ളതു ഇന്നതെന്നു നിങ്ങൾ യാചിക്കുംമുമ്പെ നിങ്ങളുടെ പിതാവു അറിയുന്നുവല്ലോ. നിങ്ങൾ ഈവണ്ണം പ്രാർത്ഥിപ്പിൻ: "

എന്നാൽ ഈ പ്രാർത്ഥനയെ വിശകലനം ചെയ്യുമ്പോൾ കവി ഇവിടെ ഊതിവീർപ്പിച്ചിരിക്കുന്ന ഒരർത്ഥത്തിലല്ല യേശു തൻറെ ശിഷ്യന്മാരെ അത് പഠിപ്പിക്കാൻ ശ്രമിച്ചത് .  യേശുവിന്റെ സ്വർഗ്ഗരാജ്യം ഭൂമിയിൽ തന്നെയാണ് എന്നുള്ളതും ഈ പ്രാർത്ഥനയിൽ ഉൾപ്പെടുത്തിയിട്ടുണ്ട് . വയലാർന്റെ ഗാനത്തിലെന്നപോലെ 'സ്വർഗ്ഗം മറ്റൊരു ദേശത്താണ ന്ന വിശ്വാസത്തോടെയാണ് ശിഷ്യന്മാർ പ്രാർത്ഥിക്കാൻ പഠിപ്പിക്കണെ എന്ന് ചോദിച്ചത് .    'ജാതികളെപ്പോലെ ജല്പനം ചെയ്യരുതു' എന്ന ഒരു മുൻ അറിയിപ്പോടെയാണ് ഗുരു യേശു പ്രാർത്ഥന ചൊല്ലി കൊടുക്കുന്നത് . ഇവിടെ പല കാര്യങ്ങളും മനസ്സിലാക്കേണ്ടതുണ്ട് .  ഒന്നാമത് ആരാണ് ജാതികൾ ? ഇന്ന് മതത്തിന്റെയും ദൈവത്തിന്റെയും പേരിൽ ഇവിടെ കിടന്ന് ബഹളം വയ്ക്കുന്നവർ എല്ലാം ജാതിയിൽ പെട്ടവരാണ് .  അവർ പറയുന്ന വാക്കുകളും പ്രവർത്തികളും മനുഷ്യരെ ഭിന്നിപ്പിക്കാനും വിഘടിപ്പിക്കാനുമല്ലാതെ മറ്റൊന്നിനും ഉപകരിക്കില്ല .   ഈ മലയാളിയിൽ അങ്ങനെ ഒത്തിരി ജല്പിക്കുന്ന പണ്ഡിതന്മാരെ കാണാൻ കഴിയും .  ഇവരെ കുറിച്ചാണ് യേശു ജാതികൾ ജല്പിക്കുന്നു എന്ന് പറഞ്ഞത് .

പ്രാർത്ഥനയെ കുറിച്ച് പറഞ്ഞാൽ, സ്വർഗ്ഗം മറ്റൊരു ദേശത്താണ് എന്നുള്ള വിചാരത്തോടെ, അവിടെ എങ്ങനെ എങ്കിലും  എത്തി പിടിക്കണം, അതിന് യേശുവിനെ ഒരു മാർഗ്ഗം ആക്കണം എന്ന ചിന്തയോടെ  (ഒരു പക്ഷെ അങ്ങനെ ചിന്തിക്കാൻ കഴിവില്ലാത്ത ജാതികളും ആയിരിക്കാം ) സമീപിച്ചപ്പോൾ ആണ്, യേശു ചോന്തോദ്ദീപകമായ് ഈ  പ്രാർത്ഥന ചൊല്ലി കൊടുക്കുന്നത് .  സ്വർഗ്ഗസ്ഥനായ പിതാവേ എന്നത് ...നിയമനിബന്ധനമല്ലാത്ത വസ്തുനിഷ്ഠമല്ലാത്ത ഒരു സാങ്കല്‍പികസിദ്ധാന്തം മാത്രമാണ് . എന്നാൽ അത് നിയമ നിബന്ധനക്ക് വിധേയമാകുന്നുത്, മനുഷ്യൻ ഭൂമിയിൽ ജാതിമതചിന്തകൾ വെടിഞ്ഞ്, ക്ഷമിച്ച് , കടങ്ങൾ പൊറുത്തും പരസ്പരം സ്നേഹിച്ചും ജീവിക്കുമ്പോൾ മാത്രമാണ് .. യേശുവിന്റെ പഠനങ്ങളിൽ എല്ലാം  ഭൂമിയിൽ സ്വർഗ്ഗം സൃഷിട്ടിക്കേണ്ട ആവശ്യകഥ അടിയ്ക്കടി ചൂണ്ടി കാട്ടുന്നു .  

 ഇതുപോലെ മനോഹരമായ ഒരു പ്രാർത്ഥനയാണ് 

'ഓം ഭൂർഭുവ: സ്വ:

തത് സവിതുർവരേണ്യം

ഭർഗോ ദേവസ്യ ധീമഹി

ധിയോ യോ ന: പ്രചോദയാത്'

ഭൂമി, അന്തരീക്ഷം , സ്വർഗ്ഗം  ആ സവിതാവിന്റെ ശ്രേഷ്ടമായ, ദൈവീകമായ ഊർജ്ജ പ്രവാഹം, പ്രകാശം ഞങ്ങൾ ധ്യാനിക്കുന്ന , യാതൊന്നിനെ, ഞങ്ങളുടെ ബുദ്ധിയെ പ്രോചോദിപ്പിക്കട്ടെ .

ഈ രണ്ടു പ്രാർത്ഥനകളും ഭൂമിയെ സ്വർഗ്ഗമാക്കാനുള്ള അനശ്വരമായ ഉപദേശങ്ങൾ ഉള്കൊണ്ടതാണ് . കവികളും എഴുത്തുകാരും , ഈ സത്യത്തെ വായനക്കാർക്ക് കുഴമറിച്ചിലുകൾ ഇല്ലാതെ വ്യക്തമാക്കി കൊടുക്കേണ്ടതാണ് 

പ്രപഞ്ചത്തിന്റെ പിന്നിൽ പ്രവർത്തിക്കുന്ന അജ്ഞേയ ശക്തിയെ പ്രകീർത്തിച്ച് കുമാരനാശാൻ എഴുതി:

അനന്തമജ്ഞാതമവര്‍ണ്ണനീയം

ഈ ലോകഗോളം തിരിയുന്ന മാര്‍ഗ്ഗം

അതിങ്കലെങ്ങാണ്ടൊരിടത്തിരുന്നു

നോക്കുന്ന മര്‍ത്യന്‍ കഥയെന്തറിഞ്ഞു?

ചന്തമേറിയ പൂവിലും ശബളാഭമാം ശലഭത്തിലും

സന്തതം കരതാരിയന്നൊരു ചിത്രചാതുരി കാട്ടിയും

ഹന്ത! ചാരു കടാക്ഷമാലകളര്‍ക്കരശ്മിയില്‍ നീട്ടിയും

ചിന്തയാം മണിമന്ദിരത്തില്‍ വിളങ്ങുമീശനെ വാഴ്ത്തുവിന്‍!

‘സ്വർഗ്ഗസ്തനായ പിതാവേ നിന്റെ നാമം വാഴ്തപ്പെടട്ടേ’ എന്ന പ്രാർത്ഥനയെ ആധാരമാക്കി,  ഏതാണ്ട് അതേ ആശയം, ജയൻ വർഗീസ് വിസ്‌മയത്താൽ ഉന്മത്തനായി കുറച്ചുകൂടി വിസ്തരിച്ച് എഴുതിയിരിക്കുന്നു. 

കവിതയുടെ അന്തസത്ത മനസ്സിലാക്കാനുള്ള ശ്രമവും ക്ഷമയുമില്ലാതെയാണെന്നു തോന്നുന്നു വിദ്യാധരന്റെ കാടുകയറിയ വിമർശനം.

"അനന്തമജ്ഞാതമവര്‍ണ്ണനീയം

ഈ ലോകഗോളം തിരിയുന്ന മാര്‍ഗ്ഗം

അതിങ്കലെങ്ങാണ്ടൊരിടത്തിരുന്നു

നോക്കുന്ന മര്‍ത്യന്‍ കഥയെന്തറിഞ്ഞു?

ഒന്നാമതായി മേൽപ്പറഞ്ഞ ശ്ലോകം കുമാരനാശാൻ അല്ല എഴുതിയത് .  നാലപ്പാട്ടിന്റെ കണ്ണുനീർ തുള്ളിയിലെ ഒരു ശ്ലോകമാണത് .  ഈ പ്രപഞ്ചത്തിൽ അജ്ഞാതമായ പലതും ഇനിയും ഉണ്ട്. എന്നു വച്ച് അതിനെ  ഉണ്ടാക്കിയ പിതാവ് സ്വർഗ്ഗത്തിലല്ല ഇരിക്കുന്നെതെന്ന് കുമാരനാശാന്റെ കവിതാ ശകലത്തിലെ അവസാനത്തെ വരി വ്യക്തമാക്കുന്നു. യേശുവുവിന്റെ പ്രാർത്ഥനയും അതൊക്കെ തന്നെയാണ് പറഞ്ഞിരിക്കുന്നത് 

"ചന്തമേറിയ പൂവിലും ശബളാഭമാം ശലഭത്തിലും

സന്തതം കരതാരിയന്നൊരു ചിത്രചാതുരി കാട്ടിയും

ഹന്ത! ചാരു കടാക്ഷമാലകളര്‍ക്കരശ്മിയില്‍ നീട്ടിയും

ചിന്തയാം മണിമന്ദിരത്തില്‍ വിളങ്ങുമീശനെ വാഴ്ത്തുവിന്‍" (സങ്കീർത്തനം )

ഈശ്വരൻ ചിന്തയെന്ന മണിമന്ദിരത്തിലാണ് ജീവിക്കുന്നെതന്നാണ് കവി അവസാനത്തെ വരിയിൽ പറയുന്നത്.   ഇതൊക്കെ തന്നെയാണ് നിങ്ങളുടെ യേശുവും പറഞ്ഞത് .  സ്വർഗ്ഗരാജ്യം ഹൃദയത്തിലാണെന്നാണ് അദ്ദേഹവും പറഞ്ഞത് . ഹൃദയ ശുദ്ധിയുള്ളവർ ഭാഗ്യവാന്മാർ അവർ ദൈവത്തെ കാണും . ജയൻ വർഗീസ് ഉന്മത്തനായി എന്തും എഴുതിക്കൊള്ളട്ടെ. പക്ഷെ യഥാർത്ഥമായ അർത്ഥത്തെ, സ്ഥാപിത താത്‌പര്യങ്ങൾക്കു വേണ്ടി വളച്ചൊടിച്ചു, അത് ജനങ്ങളുടെമേൽ അടിച്ചേൽപ്പിക്കാൻ ശ്രമിക്കരുത്.  ജീസസും കുമാരനാശാനുംമൊക്കെ ഹൃദയത്തിൽ നിങ്ങൾ തിരയുന്ന ദൈവത്തെ കുടിയിരുത്തിയത്തിന്റെ കാരണം  മതത്തിൽ നിന്ന് നമ്മളുടെ ഉള്ളിൽ വിളങ്ങുന്ന ചൈതന്യത്തെ രക്ഷിക്കാൻ വേണ്ടിയാണ് . കവി ഒരു 'ഋഷി' (സത്യം അറിഞ്ഞവൻ)  ആയിരിക്കണം  . മതങ്ങളുടെയും, രാഷ്ട്രീയ പാർട്ടികളുടെയും,  , സന്യാസിമാരുടെയും പുരോഹിത വർഗ്ഗത്തിന്റെ ദാസ്യവൃത്തി ചെയ്യുന്നവരായിരിക്കരുത് .  പിന്നെ കാട് കയറുന്നത് ആത്മ ജ്ഞാനം ഉണ്ടാകാൻ നല്ലതാണ് 

ആരണ്യാന്തരഗഹ്വരോദരതപ-

           സ്ഥാനങ്ങളിൽ, സൈന്ധവോ -

ദാരശ്യാമമനോഭിരാമ പുളിനോ-

           പാന്തപ്രദേശങ്ങളിൽ ,

ആരന്തർമുഖമിപ്രപഞ്ചപരിണാ-

          മോത്ഭിന്നസർഗ്ഗക്രിയാ-

സാരം തേടിയലഞ്ഞു പണ്ടവരിലെ-

          ചൈതന്യമെൻ ദർശനം (സർഗ്ഗസംഗീതം -വയലാർ )