ന്യൂഡല്ഹി: രാജ്യത്തെ സര്വകലാശാലകളിലെ അധ്യാപക നിയമനങ്ങളില് സംവരണം ഉറപ്പാക്കാന് കേന്ദ്രസര്ക്കാര് ഓര്ഡിനന്സ് പുറപ്പെടുവിക്കും.മോദിസര്ക്കാരിന്റെ അവസാന കാബിനറ്റ് യോഗത്തിലാണ് സുപ്രധാന തീരുമാനമുണ്ടായത്. ഇതോടെ പിന്നോക്ക വിഭാഗങ്ങളുടെ ജോലി സംവരണത്തിലുണ്ടായ ആശങ്കയ്ക്കു താല്ക്കാലിക പരിഹാരമായിരിക്കുകയാണ്. നിരവധി വിദ്യാര്ഥി സംഘടനകളാണ് സംവരണ വിഷയത്തില് ഓര്ഡിനന്സ് ഇറക്കണമെന്ന് ആവശ്യപ്പെട്ടത്.
അധ്യാപക നിയമനത്തിലെ സംവരണത്തിന് പഠന വകുപ്പുകള് യൂണിറ്റായി പരിഗണിക്കണമെന്ന സുപ്രീംകോടതി വിധിയോടെയാണ് സര്വകലാശാലയിലെ നിയമനം അവതാളത്തിലായത് . അലഹബാദ് ഹൈക്കോടതിയാണ് കോളജുകളിലെയും സര്വകലാശാലകളിലെയും അധ്യാപക നിയമനത്തിന് പഠന വകുപ്പുകളെ ഒറ്റ യൂണിറ്റായി പരിഗണിച്ച് സംവരണം നടപ്പാക്കാന് ഉത്തരവിട്ടത്.