എപ്പോഴും  എപ്പോഴും സൂപ്പർ "ആണ് ". സൂപ്പർ 

അല്ല എന്ന് പറയണമെങ്കിൽ "ആണിനെ" വിടണം. 

ഈ ലേഖനം വായിച്ചപ്പോൾ ഒരു നാല് പതിറ്റാണ്ടിനു മുമ്പുള്ള പുരുഷന്മാരുടെ ചിന്താഗതികൾ ഓർമ്മ വന്നു. അന്ന് ഒരു പെണ്ണിൽ പുരുഷൻ സൗന്ദര്യം കണ്ടിരുന്നത് നീണ്ട തലമുടിയും കണ്ണ് എഴുതിയതും,  കറുത്ത പൊട്ടുമായിരുന്നു. ലിപ്സ്റ്റിക്കിട്ട പെണ്ണുങ്ങളെ പുരുഷന്മാർ സംശയത്തോടെ കണ്ടിരുന്നു.കാലം ഇന്ന് എല്ലാത്തിനെയും തിരിച്ചു മറിച്ചു.

ഹൈന്ദവ പുരാണം അനുസരിച്ച് 'പൊട്ട്' എന്നുള്ളത് ദൈവിക ചിഹ്നമാണ്. പരമശിവന്റെ മൂന്നാം കണ്ണിനെ ഓർമ്മിപ്പിക്കുന്നു. എങ്കിലും കേരളത്തിലെ സുറിയാനി ക്രിസ്ത്യാനി പെണ്ണുങ്ങൾ കറുത്ത പൊട്ടിനെ ഇഷ്ടപ്പെട്ടിരുന്നു. വിവാഹശേഷം ആദ്യകാലങ്ങളിൽ എന്റെ ഭാര്യക്കും കറുത്ത പൊട്ട് ഞാൻ നിർബന്ധമാക്കിയിരുന്നു. ഇന്നും ചിന്തിക്കുന്നത് കറുത്ത പൊട്ടിൽ പെണ്ണിന്റെ അഴകിന് ഒരു പ്രത്യേകതയുണ്ടെന്നാണ്. അത് കാലത്തിനു ചേരാത്ത പഴഞ്ചൻ ചിന്താഗതിയായിരിക്കാം.  

പണ്ട് ആഭ്യന്തര മന്ത്രിയായിരുന്ന പി.റ്റി. ചാക്കോയുടെ കാറിൽ ഒരു പെണ്ണിനെ കണ്ടപ്പോൾ കേരളത്തിലെ മാദ്ധ്യമങ്ങളിലുണ്ടായ ഒച്ചപ്പാടുകളും ഓർമ്മിക്കുന്നു. ആ 'പൊട്ടു തൊട്ട സുന്ദരി ആരെന്നായിരുന്നു' അന്നുണ്ടായിരുന്ന പത്രങ്ങളുടെ തലക്കെട്ടുകൾ. അന്നത്തെ കോലാഹലങ്ങൾ ഇന്നും ഓർമ്മയിലുണ്ട്. മലയാള മങ്കകളുടെ പൊട്ടുകൾ നിത്യ സൗന്ദര്യ പ്രതീകങ്ങളായി മലയാളി മനസുകളിൽ തുടരട്ടെയെന്ന് ആഗ്രഹിക്കുന്നു.