താനൊരു വസ്‌ത്ര വ്യാപാരിയാണെന്നും അവിടെ നിന്നു വസ്‌ത്രം വാങ്ങാനാണ്‌ ഇടയ്‌ക്കിടെ മലേഷ്യയില്‍ പോയി വരുന്നതെന്ന്‌ അവര്‍ പറഞ്ഞു. തുടര്‍ന്ന വനിതാ പോലീസെത്തി യുവതിയെ ചോദ്യം ചെയ്‌തപ്പോഴാണ്‌ സ്വര്‍ണ്ണം ഒളിപ്പിച്ചിട്ടുണ്ടെന്നു വെളിപ്പെടുത്തി.

പിന്നീട്‌ മജിസ്‌ട്രേറ്റിന്റെ അനുമതി വാങ്ങിയ ശേഷം വനിതയെ ചാക്കയിലെ സ്വകാര്യ ആശുപത്രിയിലെത്തിച്ചു. ഇവിടെ നിന്ന്‌ യുവതി രക്ഷപ്പെടാന്‍ ശ്രമം നടത്തിയെന്ന്‌ കസ്റ്റംസ്‌ അധികൃതര്‍ പറഞ്ഞു. റൂമില്‍ നിന്ന്‌ ഇറങ്ങിയോടിയ ഇവരെ വീണ്ടും പിടികൂടി ആശുപത്രിയിലെത്തിച്ച്‌ സ്വര്‍ണ്ണം പുറത്തെടുക്കുകയായിരുന്നു.