മുംബൈ: പ്രധാനമന്ത്രി നരേന്ദ്രമോദിയെ വിമര്‍ശിക്കാന്‍ രാഹുല്‍ ഗാന്ധി ഉപയോഗിച്ച 'ചൗക്കിദാര്‍ ചോര്‍ ഹൈ' എന്ന പ്രയോഗം അദ്ദേഹത്തിന് തന്നെ വിനയായി മാറി. രാഹുലിന്റെ കാവല്‍ക്കാരന്‍ കള്ളനാണ് എന്ന പ്രയോഗത്തിനെതിരെ പരാതിയുമായി സുരക്ഷാ ഗാര്‍ഡുകളുടെ അസോസിയേഷനാണ് പൊലീസിനെ സമീപിച്ചത്.

മഹാരാഷ്ട്ര രാജ്യ സരുക്ഷ രക്ഷക് എന്ന അസോസിയേഷനാണ് മുംബൈ പൊലീസില്‍ രാഹുല്‍ ഗാന്ധിക്കെതിരെ പരാതി നല്‍കിയത്. രാഹുല്‍ ഗാന്ധിയും കോണ്‍ഗ്രസും പ്രചാരണത്തിനായി ഉപോയഗിക്കുന്ന ഈ പ്രയോഗം സുരക്ഷാ ഗാര്‍ഡുകളെ അപമാനിക്കുന്നതാണെന്നാണ് പരാതി. ബന്ദ്ര കുര്‍ല കോംപ്ലക്‌സ് പൊലീസ് സ്റ്റേഷനിലാണ് പരാതി നല്‍കിയിരിക്കുന്നത്.

ഈ മാസം ആദ്യം മുംബൈയില്‍ നടന്ന പരിപാടിയില്‍ രാഹുല്‍ ചൗക്കിദാര്‍ ചോര്‍ ഹൈ എന്ന് പ്രയോഗിച്ചത് ചൂണ്ടിക്കാട്ടിയാണ് പരാതി. ഗാര്‍ഡുകളെ അപമാനിക്കുന്ന തരത്തിലുള്ള പ്രയോഗങ്ങള്‍ തടയാന്‍ രാഹുലിനെതിരെ കേസ് രജിസ്റ്റര്‍ ചെയ്യാന്‍ പൊലീസ് തയ്യാറായിട്ടുണ്ടെന്ന് യൂണിയന്‍ പ്രസിഡന്റ് പ്രതികരിച്ചു.