Image

ലോക്‌സഭാ തെരഞ്ഞെടുപ്പില്‍ മോദി ജയിച്ചാല്‍ രാജ്യത്ത്‌ ഇനിയൊരു തെരഞ്ഞെടുപ്പ്‌ ഉണ്ടാവില്ലെന്ന്‌ സാക്ഷി മഹാരാജ്‌

Published on 16 March, 2019
ലോക്‌സഭാ തെരഞ്ഞെടുപ്പില്‍ മോദി ജയിച്ചാല്‍ രാജ്യത്ത്‌ ഇനിയൊരു തെരഞ്ഞെടുപ്പ്‌ ഉണ്ടാവില്ലെന്ന്‌ സാക്ഷി മഹാരാജ്‌

ന്യൂദല്‍ഹി: ഇത്തവണ പ്രധാനമന്ത്രി നരേന്ദ്രമോദി തെരഞ്ഞെടുപ്പില്‍ ജയിച്ചാല്‍ രാജ്യത്ത്‌ ഇനിയൊരു പൊതുതെരഞ്ഞെടുപ്പ്‌ ഉണ്ടാവില്ലെന്ന്‌ ബി.ജെ.പി എം.പി സാക്ഷി മഹാരാജ്‌.

`എല്ലാവരും വോട്ടു ചെയ്യാന്‍ മുന്നോട്ടുവരണമെന്നാണ്‌ എനിക്ക്‌ പറയാനു്‌ളത്‌. കാരണം 2024ല്‍ മറ്റൊരു പൊതുതെരഞ്ഞെടുപ്പ്‌ ഉണ്ടാവില്ല.' വ്യാഴാഴ്‌ച വൈകുന്നേരം ഉന്നാവോയില്‍ നടന്ന യോഗത്തില്‍ അദ്ദേഹം പറഞ്ഞു.

`ഞാനൊരു സന്യാസിയാണ്‌. എനിക്ക്‌ ഭാവികാണാം. ഇത്‌ ഈ രാജ്യത്തെ അവസാന തെരഞ്ഞെടുപ്പാണ്‌.' അദ്ദേഹം പറഞ്ഞു.

അതേസമയം, സാക്ഷി മഹാരാജിന്റെ പ്രസ്‌താവനയെ ആരും ഗൗരവത്തിലെടുക്കാറില്ലെന്നു പറഞ്ഞ്‌ ബി.ജെ.പി തള്ളി. ' തോന്നിയ നേരത്ത്‌ അദ്ദേഹത്തിന്‌ തോന്നിയത്‌ പറയാം. പിന്നീട്‌ അതില്‍ നിന്ന്‌ പിന്മാറാം. അദ്ദേഹം പറയുന്നത്‌ ഞങ്ങള്‍ കാര്യമാക്കാറില്ല.' എന്നാണ്‌ യു.പിയിലെ ഒരു ബി.ജെ.പി നേതാവ്‌ പറഞ്ഞത്‌.

ഏതുമതക്കാരായാലും മരിച്ചവരെ സംസ്‌കരിക്കണമെന്ന സാക്ഷി മഹാരാജാവിന്റെ പ്രസ്‌താവന ഏറെ വിവാദമായിരുന്നു. രാജ്യത്തെ ജനസംഖ്യാ വര്‍ധനവിന്‌ ഉത്തരവാദികള്‍ നാല്‌ ഭാര്യമാരും നാല്‍പ്പതു മക്കളുമുള്ളവരാണെന്നും അദ്ദേഹം പറഞ്ഞിരുന്നു.

തനിക്ക്‌ തെരഞ്ഞെടുപ്പില്‍ സീറ്റ്‌ നല്‍കിയില്ലെങ്കില്‍ ബി.ജെ.പിക്ക്‌ കനത്ത തിരിച്ചടി നേരിടേണ്ടിവരുമെന്ന്‌ കഴിഞ്ഞയാഴ്‌ച സാക്ഷി മഹാരാജ്‌ ഭീഷണി മുഴക്കിയിരുന്നു. എന്നാല്‍ ഉന്നാവോയില്‍ നിന്നും വീണ്ടും നാമനിര്‍ദേശം ചെയ്യപ്പെടുമെന്ന്‌ ഉറപ്പുള്ളതിനാല്‍ താന്‍ പാര്‍ട്ടിക്കുവേണ്ടി കാമ്പെയ്‌ന്‍ ചെയ്യുമെന്ന്‌ വ്യാഴാഴ്‌ച അദ്ദേഹം തിരുത്തിയിരുന്നു.

`
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക