Image

ചെന്നിത്തലയോട് കയര്‍ത്ത് സംസാരിച്ചത് തെറ്റായിപ്പോയി: കെ വി തോമസ്

Published on 17 March, 2019
ചെന്നിത്തലയോട് കയര്‍ത്ത് സംസാരിച്ചത് തെറ്റായിപ്പോയി: കെ വി തോമസ്

ലോക്‌സഭ തെരഞ്ഞെടുപ്പില്‍ എറണാകുളം സീറ്റില്‍ നിന്നും തഴയപ്പെട്ടതിന് പിന്നാലെ ബിജെപി ക്യാമ്ബിലേക്ക് നീങ്ങാനുള്ള നീക്കത്തിനിടെ ചര്‍ച്ചയ്‌ക്ക് വന്ന പ്രതിപക്ഷ നേതാവ് രമേശ് ചെന്നിത്തലയോട് കയര്‍ത്ത് സംസാരിച്ചത് തെറ്റായിപ്പോയെന്ന് കോണ്‍ഗ്രസ് നേതാവ് കെ വി തോമസ്.

കൂടിക്കാഴ്‌ചയ്‌ക്ക് എത്തിയ രമേശ് ചെന്നിത്തലയോട് കയര്‍ത്ത് സംസാരിച്ചത് തെറ്റായിപ്പോയി. അതുകൊണ്ടാണ് കേരളാ ഹൗസിലെത്തി അദ്ദേഹത്തെ കണ്ടത്. സീറ്റ് നിഷേധിച്ചപ്പോള്‍ ദുഖം തോന്നി. അതു പ്രകടിപ്പിക്കുന്നത് സ്വാഭാവികമാണെന്നും കെ വി തോമസ് പറഞ്ഞു.

രാവിലെ പത്ത് മണിയോടെ കെവി തോമസിനെ കാണാന്‍ എത്തിയ ചെന്നിത്തലയ്ക്ക് നേരെ കെ വി തോമസ് പൊട്ടിത്തെറിച്ചിരുന്നു. ഒരു ഓഫറും കേള്‍ക്കാന്‍ താല്‍പര്യമില്ലെന്നും ഇനി എന്ത് പറയാനാണ് വന്നതെന്നും ചെന്നിത്തലയോട് കെവി തോമസ് ചോദിക്കുകയും ചെയ്തിരുന്നു.


Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക