Image

ആല്‍വിന്‍ ആന്റണിയെ വീട്ടില്‍ കയറി ആക്രമിച്ച സംഭവം; റോഷന്‍ ആന്‍ഡ്രൂസിന്‌ നിര്‍മ്മാതാക്കളുടെ സംഘടനയുടെ വിലക്ക്‌

Published on 18 March, 2019
ആല്‍വിന്‍ ആന്റണിയെ വീട്ടില്‍ കയറി ആക്രമിച്ച സംഭവം; റോഷന്‍ ആന്‍ഡ്രൂസിന്‌ നിര്‍മ്മാതാക്കളുടെ സംഘടനയുടെ വിലക്ക്‌

വീട്ടില്‍ കയറി ആക്രമിച്ചെന്ന ചലച്ചിത്ര നിര്‍മ്മാതാവായ ആല്‍വിന്‍ ആന്റണിയുടെ പരാതിയില്‍ സംവിധായകന്‍ റോഷന്‍ ആന്‍ഡ്രൂസിന്‌ നിര്‍മ്മാതാക്കളുടെ സംഘടനയുടെ വിലക്ക്‌. റോഷന്റെ സിനിമ ചെയ്യുന്നവര്‍ അസോസിയേഷനുമായി ബന്ധപ്പെടണം എന്നും നിര്‍മ്മാതാക്കളുടെ സംഘടന നിര്‍ദേശം നല്‍കി. 

കൊച്ചി പനമ്പിള്ളി നഗറിലുള്ള തന്റെ വീട്ടില്‍ എത്തി റോഷന്‍ ആന്‍ഡ്രൂസും സുഹൃത്ത്‌ നവാസും ചേര്‍ന്ന്‌ ആക്രമണം നടത്തിയെന്നാണ്‌ ആല്‍വിന്‍ ആന്റണി പരാതിയില്‍ പറയുന്നത്‌.

ആല്‍വിന്‍ ആന്റണിയുടെ മകന്‍ ആല്‍വിന്‍ ജോണ്‍ ആന്റണിയോടുള്ള വ്യക്തിവൈരാഗ്യമാണ്‌ ആക്രമണത്തിന്‌ പിന്നിലെന്നാണ്‌ ആരോപണം. പരാതി അടിസ്ഥാനരഹിതമാണെന്നും ആല്‍വിന്‍ ആന്റണിയുടെ മകന്‍ ആല്‍വിന്‍ ജോണ്‍ ആന്റണി മയക്കു മരുന്നിന്‌ അടിമയാണെന്നുമാണ്‌ റോഷന്‍ പറയുന്നത്‌. 

താന്‍ മയക്കുമരുന്നിന്‌ അടിമയാണെന്ന റോഷന്‍ ആന്‍ഡ്രൂസിന്റെ വാദം അടിസ്ഥാനരഹിതമാണെന്ന്‌ ആല്‍വിന്‍ ജോണ്‍ ആന്റണിയും പറയുന്നു.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക