ഡി ജി പി ജേക്കബ് തോമസ് ചാലക്കുടിയില് മത്സരിക്കും
Published on 21 March, 2019
സസ്പെന്ഷനിലുള്ള ഡിജിപി
ജേക്കബ് തോമസ് തെരഞ്ഞെടുപ്പില് മത്സരിക്കും. ചാലക്കുടി മണ്ഡലത്തില് നിന്ന്
ട്വന്റി 20 മുന്നണിയുടെ സ്ഥാനാര്ഥിയായാണ് ജേക്കബ് തോമസ് മത്സരിക്കുക.
കേരളത്തിന്റെ ചരിത്രത്തിലാദ്യമായാണ് സസ്പെന്ഷനിലുള്ള ഒരു ഐപിഎസ് ഉദ്യോഗസ്ഥന്
തെരഞ്ഞെടുപ്പില് മത്സരിക്കാനിറങ്ങുന്നത്.
മത്സരിക്കുന്നതിന് വേണ്ടി
അദ്ദേഹം ഐ പി എസില് നിന്ന് രാജി വയ്ക്കും. ഇടതു മുന്നണി സ്ഥാനാര്ത്ഥിയായി
സിറ്റിംഗ് എം പി ഇന്നസെന്റും യു ഡി എഫിന് വേണ്ടി മുന്നണി കണ്വീനര് ബെന്നി
ബഹനാനുമാണ് ഇവിടെ സ്ഥാനാര്ത്ഥികള്.
കേരളാ കാഡറിലെ ഏറ്റവും സീനിയറായ
ഐപിഎസ് ഉദ്യോഗസ്ഥന് നിലവില് ജേക്കബ് തോമസാണ്. എന്നാല് 2017 ഡിസംബര് മുതല്
ജേക്കബ് തോമസ് സസ്പെന്ഷനിലാണ്. കിഴക്കമ്പലം പഞ്ചായത്തില് നല്ല സ്വാധീനമുള്ള
കൂട്ടായ്മയാണ് ട്വന്റി 20. കിഴക്കമ്പലം പഞ്ചയാത്ത് ഭരിക്കുന്നത് ട്വന്റി
20ആണ്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല