ന്യൂദല്‍ഹി: ലോക്‌സഭ തെരഞ്ഞെടുപ്പില്‍ മല്‍സരിച്ചില്ലെങ്കിലും പ്രധാനമന്ത്രിയാകാനാവുമെന്ന്‌ ബി.എസ്‌.പി അധ്യക്ഷ മായാവതി. ലോക്‌സഭ തെരഞ്ഞെടുപ്പില്‍ മല്‍സരിക്കില്ലെന്ന പ്രസ്‌താവനക്ക്‌ പിന്നാലെയാണ്‌ വിശദീകരണവുമായി മായാവതി എത്തിയത്‌. ട്വിറ്ററിലുടെയായിരുന്നു മായാവതി നിലപാട്‌ വ്യക്തമാക്കിയത്‌.

1995 ല്‍ ആദ്യമായി യു.പി മുഖ്യമന്ത്രിയായിരുന്നപ്പോള്‍ നിയമസഭയിലോ കൗണ്‍സിലിലോ അംഗമായിരുന്നില്ലെന്നും മായാവതി ട്വിറ്ററില്‍ പറഞ്ഞു. അതേ രീതിയില്‍ പ്രധാനമന്ത്രിയാകാന്‍ കഴിയുമെന്നാണ്‌ മായാവതി സൂചിപ്പിച്ചത്‌.