രാഹുല്‍ ഗാന്ധിയുടെ സ്ഥാനാര്‍ത്ഥിത്വം വയനാട്ടിലെ ജനങ്ങള്‍ക്ക്‌ അനന്ത വികസന സാധ്യതകള്‍ തുറക്കാനുള്ള അവസരമാണ്‌ നല്‍കുന്നത്‌. യുഡിഎഫ്‌ പ്രവര്‍ത്തകര്‍ വിശ്വസ്‌ത പ്രചാരകരായി മുന്നോട്ട്‌ പോകും.' - സിദ്ദിഖ്‌ പറഞ്ഞു.

പാര്‍ലമെന്‍റ്‌ കണ്‍വന്‍ഷന്‍ അതേപടി തുടരുമെന്നും മുക്കത്ത്‌ പ്രത്യേകം സജ്ജമാക്കിയ സ്ഥലത്താണ്‌ ആയിരക്കണക്കിന്‌ പ്രവര്‍ത്തകര്‍ പങ്കെടുക്കുന്ന കണ്‍വന്‍ഷന്‍ തീരുമാനിച്ചിരിക്കുന്നതെന്നും അദ്ദേഹം വയനാട്ടില്‍ മത്സരിക്കണമെന്ന വയനാട്ടുകാരുടെയും യുഡിഎഫ്‌ പ്രവര്‍ത്തകരുടെയും ഒരുമിച്ചുള്ള ആവശ്യം അവിടെ വച്ച്‌ ഉന്നയിക്കുമെന്നും സിദ്ദിഖ്‌ പറഞ്ഞു. .

ഈ രാജ്യത്തിന്‌ പ്രധാനമന്ത്രിയെ കൊടുക്കാന്‍ കേരളത്തിന്‌ ലഭിക്കുന്ന സുവര്‍ണാവസരമാണിത്‌. ഇതോടെ ദക്ഷിണേന്ത്യന്‍ സംസ്ഥാനങ്ങളില്‍ മുഴുവന്‍ അലയൊലികള്‍ ഉണ്ടാകും. പല സംസ്ഥാനങ്ങളും രാഹുല്‍ ഗാന്ധി മത്സരിക്കണമെന്ന്‌ ആവശ്യപ്പെട്ടു. 

മഹാരാഷ്ട്ര, കര്‍ണാടക, തമിഴ്‌നാട്‌, ഗുജറാത്ത്‌ ഉള്‍പ്പെടെയുള്ള സംസ്ഥാനങ്ങള്‍ ഈ ആവശ്യവുമായി രംഗത്തെത്തി. എന്നാല്‍ ഭാഗ്യം കിട്ടിയത്‌ കേരളത്തിലെ വയനാട്‌ പാര്‍ലമെന്‍റിനാണ്‌. മോദി ഭരണകൂടത്തെ താഴെയിറക്കാനുള്ള വലിയ പോരാട്ടത്തില്‍ രാഹുല്‍ ഗാന്ധിക്ക്‌ പിന്തുണ കൊടുക്കുമെന്ന്‌ പറയുന്ന ഇടതുപക്ഷം രാഹുല്‍ ഗാന്ധിയുടെ സ്ഥാനാര്‍ത്ഥിത്വം തീരുമാനിച്ചാല്‍ എതിര്‍ സ്ഥാനാര്‍ത്ഥിയെ പിന്‍വലിക്കുമോ എന്ന്‌ അറിയാന്‍ ആഗ്രഹിക്കുകയാണെന്നും സിദ്ദിഖ്‌ പറഞ്ഞു.