ശശി തരൂരിന്‌ നന്ദി പറയാന്‍ ശ്രീശാന്തെത്തി; വിജയാശംസ നേര്‍ന്ന്‌ മടക്കം
Published on 23 March, 2019
തിരുവനന്തപുരം: മുന്‍ ഇന്ത്യന്‍ ക്രിക്കറ്റ്‌ താരം
ശ്രീശാന്ത്‌ ശശി തരൂര്‍ എം.പിയെ സന്ദര്‍ശിച്ചു. ഇന്നലെ രാത്രി ഒമ്പത്‌
മണിയോടെയായിരുന്നു ശ്രീശാന്ത്‌ തരൂരിന്റെ വസതിയിലെത്തിയത്‌.
ഇനി പൂര്‍ണമായും കളിയില്‍ ശ്രദ്ധിക്കാനാണ്‌ താത്‌പര്യമെന്ന്‌ പറഞ്ഞ ശ്രീശാന്ത്‌ ലോക്‌സഭാ തെരഞ്ഞെടുപ്പില്‍ മത്സരിക്കാനൊരുങ്ങുന്ന തരൂരിന്‌ വിജയാശംസകള്‍ നേരുകയും ചെയ്‌തു
വിലക്ക്‌
നീക്കിയതിന്‌ ശേഷം താന്‍ ആദ്യമായി കാണുന്നയാളാണ്‌ തരൂരെന്ന്‌ ശ്രീശാന്ത്‌ പറഞ്ഞു.
വിലക്ക്‌ ഏര്‍പ്പെടുത്തിയ വിഷയം പാര്‍ലമെന്റില്‍ ഉന്നയിക്കുകയും വിലക്ക്‌ നീക്കാന്‍
ബി.സി.സിഐയോട്‌ ആവശ്യപ്പെട്ടതും തരൂരാണെന്നും അതിന്‌ നന്ദി പറയാനാണ്‌ താന്‍
എത്തിയതെന്നും ശ്രീശാന്ത്‌ പറഞ്ഞു.
വ്യക്തിയെന്ന നിലയിലും എം.പിയെന്ന നിലയിലും തരൂരിനോട്‌ ഏറെ
ആദരവും ബഹുമാനവും ഉണ്ടെന്നും ശ്രീശാന്ത്‌ വ്യക്തമാക്കി.
കഴിഞ്ഞ നിയസഭാ
തെരഞ്ഞെടുപ്പില്‍ ബി.ജെ.പി സ്ഥാനാര്‍ത്ഥിയായതുമായി ബന്ധപ്പെട്ട്‌ തരൂര്‍
ചോദിച്ചപ്പോള്‍ ഇനി ബി.ജെ.പിയുമായി തനിക്ക്‌ ഒരു ബന്ധവുമുണ്ടാകില്ലെന്നും
രാഷ്ട്രീയത്തിലിറങ്ങാന്‍ ഉദ്ദേശിക്കുന്നില്ലെന്നും ശ്രീശാന്ത്‌ തരൂരിനോട്‌
പറഞ്ഞു.
ഇനി പൂര്‍ണമായും കളിയില്‍ ശ്രദ്ധിക്കാനാണ്‌ താത്‌പര്യമെന്ന്‌ പറഞ്ഞ ശ്രീശാന്ത്‌ ലോക്‌സഭാ തെരഞ്ഞെടുപ്പില്‍ മത്സരിക്കാനൊരുങ്ങുന്ന തരൂരിന്‌ വിജയാശംസകള്‍ നേരുകയും ചെയ്‌തു
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala