Image

പൗലോസ് പാറേക്കര കോറെപ്പിസ്‌കോപ്പ യുകെയില്‍; 'കുടുംബം ഒരു ദേവാലയം' പ്രേഷിത ശുശ്രൂഷ വ്യാഴാഴ്ച

Published on 11 April, 2019
പൗലോസ് പാറേക്കര കോറെപ്പിസ്‌കോപ്പ യുകെയില്‍; 'കുടുംബം ഒരു ദേവാലയം' പ്രേഷിത ശുശ്രൂഷ വ്യാഴാഴ്ച

ബര്‍മിംഗ്ഹാം: സ്വതസിദ്ധമായ ആത്മീയ പ്രഭാഷണ ശൈലികൊണ്ട് ബൈബിള്‍ വചനങ്ങളുടെ അര്‍ത്ഥതലങ്ങള്‍ക്ക് മാനുഷികഹൃദയങ്ങളില്‍ സ്ഥായീഭാവം നല്‍കുന്ന പ്രശസ്ത വചന പ്രഘോഷകന്‍ റവ. ഫാ.പൗലോസ് പാറേക്കര കോര്‍ എപ്പിസ്‌കോപ്പ സെഹിയോന്‍ യുകെ ഡയറക്ടര്‍ റവ. ഫാ.സോജി ഓലിക്കലിനൊപ്പം സെഹിയോനില്‍ കുടുംബ നവീകരണ ധ്യാനം നയിക്കുന്നു.

വ്യാഴാഴ്ച വൈകിട്ട് 4 മുതല്‍ രാത്രി 9 വരെയായിരിക്കും ശുശ്രൂഷകള്‍. കുടുംബ ജീവിതത്തിന്റെ വിവിധ തലങ്ങളെ ദൈവികതയുമായി ബന്ധപ്പെടുത്തിയുള്ള ക്ലാസുകളായിരിക്കും നടക്കുക.

ദൈവിക സ്‌നേഹത്തിന്റെ വിവിധതലങ്ങളെ മാനുഷിക ജീവിതത്തിന്റെ പ്രായോഗികവശങ്ങളുമായി ബന്ധപ്പെടുത്തിക്കൊണ്ട് , വചന പ്രഘോഷണരംഗത്തെ നൂതനാവിഷ്‌ക്കരണത്തിലൂടെ അനേകരെ ക്രിസ്തീയ വിശ്വാസത്തിലേക്ക് നയിക്കാന്‍ ദൈവം ഉപകരണമാക്കിക്കൊണ്ടിരിക്കുന്ന സുവിശേഷപ്രവര്‍ത്തകനാണ് പൗലോസ് പാറേക്കര അച്ചന്‍.

നവസുവിശേഷവല്‍ക്കരണ രംഗത്ത് വിവിധങ്ങളായ മിനിസ്ട്രികളിലൂടെ ദൈവിക പദ്ധതികളുടെ പൂര്‍ത്തീകരണത്തിനായി നിലകൊള്ളുന്ന ഫാ.സോജി ഓലിക്കലും ഏതൊരു ക്രൈസ്തവ സഭയുടെയും അടിസ്ഥാനമായി നിലകൊള്ളുന്ന കുടുംബ ജീവിതത്തിന് യേശുവില്‍ ബലമേകുന്ന ആത്മീയ ഉപദേശകന്‍ പാറേക്കര അച്ചനും ഒരുമിക്കുന്ന ഈ ധ്യാനം ആത്മീയ സാരാംശങ്ങളെ സാധാരണവല്‍ക്കരിച്ചുകൊണ്ട് ബര്‍മിംഗ്ഹാം സെന്റ് ജെറാര്‍ഡ് കാത്തലിക് പള്ളിയിലാണ് നടക്കപ്പെടുന്നത്.

കൂടുതല്‍ വിവരങ്ങള്‍ക്ക്: 
ജെന്നി തോമസ് .07388 326563 

റിപ്പോര്‍ട്ട്: ബാബു ജോസഫ്

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക