പാരിസ്ന്മ ഫ്രാന്സിലെ പുരാതന ദേവാലയമായ നോത്രദാം കത്തീഡ്രലില് വന്തീപിടിത്തം. മണിക്കൂറുകള് നീണ്ട പരിശ്രമത്തില് ദേവാലയ ഗോപുരത്തിന്മേലുണ്ടായിരുന്ന തീ അണച്ചു. ഗോപുരം കത്തിനശിച്ചു. ദേവാലയത്തിന്റെ മറ്റു പ്രധാന ഭാഗങ്ങള് തീപിടിത്തത്തില്നിന്ന് രക്ഷിക്കാന് സാധിച്ചെന്നാണ് റിപ്പോര്ട്ടുകള്. പള്ളിയില് നവീകരണ പ്രവര്ത്തനങ്ങള് നടക്കുകയായിരുന്നു. നൂറ്റാണ്ടുകള് പഴക്കമുള്ള കത്തീഡ്രലിന്റെ മേല്ക്കൂരയില്നിന്നു ഉയര്ന്ന തീ പെട്ടെന്നു തന്നെ ഗോപുരത്തിലേക്കു പടരുകയായിരുന്നു.
അതേസമയം, ദേവാലയം പുനര്നിര്മിക്കുമെന്നു ഫ്രഞ്ച് പ്രസിഡന്റ് ഇമ്മാനുവല് മക്രോ വ്യക്തമാക്കി. ദേവാലയം പൂര്ണമായി കത്തിനശിക്കാതിരുന്നതില് ആശ്വാസവും അദ്ദേഹം പ്രകടിപ്പിച്ചു. യുനെസ്കോയുടെ ലോക പൈതൃക പട്ടികയില് പെടുന്ന 850 വര്ഷം പഴക്കമുള്ള കെട്ടിടമാണിത്. 400ല് പരം അഗ്നിശമനസേനാ പ്രവര്ത്തകര് ഒന്നിച്ചു പ്രവര്ത്തിച്ചാണു തീയണച്ചത്്.
തീപിടിത്തത്തെത്തുടര്ന്നു പ്രദേശത്തിനു ചുറ്റുമുള്ള കെട്ടിടങ്ങളില്നിന്ന് ആളുകളെ രക്ഷാപ്രവര്ത്തകര് ഒഴിപ്പിച്ചു. കത്തീഡ്രലിലേക്കുള്ള വഴികള് പൊലീസും അഗ്നിരക്ഷാ സേനയും തടഞ്ഞു.