കണ്ണൂര്‍: ലോക്‌സഭാ തെരഞ്ഞെടുപ്പ്‌ പ്രചാരണത്തിനായി കെ.സുധാകരന്‍ പുറത്തിറക്കിയ വീഡിയോയില്‍ സ്‌ത്രീത്വത്തെ അപമാനിക്കുന്നു എന്ന്‌ കണ്ടെത്തി വനിതാ കമ്മീഷന്‍ സ്വമേധയ കേസെടുത്തു. മാധ്യമങ്ങളിലും മറ്റും വന്ന വാര്‍ത്തകളുടെ അടിസ്ഥാനത്തിലാണ്‌ കമ്മീഷന്‍ കണ്ണൂരിലെ യുഡിഎഫ്‌ സ്ഥാനാര്‍ഥി സുധാകരനെതിരേ കേസ്‌ രജിസ്റ്റര്‍ ചെയ്‌തത്‌.

സുധാകരന്‍ തെരെഞ്ഞെടുപ്പ്‌ പ്രചരണത്തിന്‌ പുറത്തിറക്കിയ വീഡിയോ കണ്ണൂരിലെ ഇടത്‌ സ്ഥാനാര്‍ഥി പി.കെ.ശ്രീമതിയെ അപമാനിക്കുന്നതാണെന്ന്‌ സിപിഎം ആരോപിച്ചിരുന്നു. ഇതിന്‌ പിന്നാലെയാണ്‌ വനിതാ കമ്മീഷന്റെ നടപടി.