ചെന്നൈ: ഹിന്ദു ഭീകരന് പരാമര്ശം നടത്തിയ നടനും മക്കള് നീതി മയ്യം അധ്യക്ഷനുമായ കമല്ഹാസനെതിരെ ബിജെപി. കമല്ഹാസന് തിരഞ്ഞെടുപ്പ് പ്രചാരണത്തില് വിലക്കേര്പ്പെടുത്തണമെന്ന് ആവശ്യപ്പെട്ട് തിരഞ്ഞെടുപ്പ് കമ്മീഷന് പരാതി സമര്പ്പിച്ചു. അഞ്ചു ദിവസം പ്രചാരണത്തില് നിന്ന് വിലക്കണമെന്നാണ് ബിജെപി ആവശ്യപ്പെട്ടിരിക്കുന്നത്. കമല്ഹാസന് തീക്കളിയാണ് നടത്തുന്നതെന്ന് ബിജെപി സംസ്ഥാന അധ്യക്ഷന് തമിലിസൈ സുന്ദരരാജന് മുന്നറിയിപ്പ് നല്കി.
തീവ്ര ഹിന്ദു വിഭാഗത്തെ പ്രകോപിപ്പിക്കുന്നതായിരുന്നു കമല്ഹാസന്റെ പ്രസ്താവന. ഇന്ത്യയിലെ ആദ്യ ഭീകരന് ഹിന്ദുവായിരുന്നുവെന്നാണ് അദ്ദേഹം പറഞ്ഞത്. തമിഴ്നാട്ടിലെ അരവകുറിച്ചി നിയമസഭാ മണ്ഡലത്തില് തിരഞ്ഞെടുപ്പ് പ്രചാരണ യോഗത്തില് സംസാരിക്കുകയായിരുന്നു കമല്ഹാസന്. ഇദ്ദേഹത്തിന്റെ മക്കള് നീതി മയ്യം പാര്ട്ടി സ്ഥാനാര്ഥിയും ഇവിടെ മല്സരിക്കുന്നുണ്ട്.
രാഷ്ട്രപിതാവ് മഹാത്മാ ഗാന്ധിജിയെ വെടിവച്ചുകൊന്ന നാഥുറാം വിനായക് ഗോഡ്സെയെ പരാമര്ശിച്ചാണ് കമല്ഹാസന് ഹിന്ദു ഭീകരനെ കുറിച്ച് പരാമര്ശിച്ചത്. സ്വതന്ത്ര്യ ഇന്ത്യയിലെ ആദ്യ ഭീകരന് ഗോഡ്സെ ആയിരുന്നുവെന്ന് കമല്ഹാസന് പറഞ്ഞു. മുസ്ലിംകള് കൂടുതലുള്ള പ്രദേശമായതുകൊണ്ടല്ല താനിത് പറയുന്നതെന്നും ഇക്കാര്യം മുമ്ബും പറഞ്ഞിട്ടുണ്ടെന്നും കമല്ഹാസന് വിശദീകരിച്ചു