കാസര്ഗോഡ്: കാസര്ഗോഡ് ലോക്സഭാ മണ്ഡലത്തിലെ ബൂത്തുകളില് റീപോളിംഗ് നടത്തുന്നുണ്ടെങ്കില് അതിനെ സ്വാഗതം ചെയ്യുന്നുവെന്ന് കാസര്ഗോഡ് ലോക്സഭാ മണ്ഡലം യുഡിഎഫ് സ്ഥാനാര്ഥി രാജ്മോഹന് ഉണ്ണിത്താന്.
ഇതുസംബന്ധിച്ച് മാധ്യമങ്ങളില് വന്നുകൊണ്ടിരിക്കുന്ന വാര്ത്തകളോട് പ്രതികരിക്കുകയായിരുന്നു അദ്ദേഹം. കൂടുതല് ബൂത്തുകളില് റീപോളിംഗ് വേണം. വോട്ടിംഗ് ശതമാനം 90 കടന്ന ബൂത്തുകളില് റീപോളിംഗ് നടത്തണമെന്നും രാജ്മോഹന് ഉണ്ണിത്താന് ആവശ്യപ്പെട്ടു.
അതേസമയം, കള്ളവോട്ട് പരാതി ഉയര്ന്ന എല്ലാ ബൂത്തുകളിലും പരിശോധന വേണമെന്ന് സിപിഎമ്മും റീപോളിംഗ് സംബന്ധിച്ച് കമ്മീഷന്റേത് ശരിയായ ഇടപെടലാണെന്ന് ബിജെപിയും പ്രതികരിച്ചു.