ജമ്മു: ജമ്മുവിലെ ബാരാമുള്ളയില് സോപോര് മേഖലയില് സുരക്ഷാസേനയും ഭീകരരും തമ്മില് ഏറ്റുമുട്ടല്. ഭീകരര് ഒളിച്ചിരിക്കുന്നതായുള്ള രഹസ്യവിവരം ലഭിച്ചതിനെ തുടര്ന്നുള്ള സുരക്ഷാസേനയുടെ തെരച്ചിലിലാണ് വെടിവയ്പുണ്ടായത്. മേഖല ഇപ്പോള് സുരക്ഷാസേനയുടെ വലയത്തിലാണ്. സോപോറിലെ ഇന്റര്നെറ്റ് സേവനങ്ങള് റദ്ദാക്കുകയും ചെയ്തു.
ശനിയാഴ്ച രാവിലെ പുല്വാമയില് മൂന്നു ഭീകരരെ സുരക്ഷാസേന വധിച്ചിരുന്നു. തുടര്ന്നാണ് സോപോറിലും ഭീകരരുടെ സാന്നിധ്യം റിപ്പോര്ട്ട് ചെയ്തിരിക്കുന്നത്.