നടന്
സിദ്ദിഖ് തന്നോട് ലൈംഗിക ചുവയുള്ള മോശമായ വാക്കുകള് പറഞ്ഞ് അപമര്യാദയായി
പെരുമാറിയതിന്റെ അനുഭവം വെളിപ്പെടുത്തി യുവനടി രേവതി സമ്പത്ത്. രണ്ട് വര്ഷം
മുമ്പ് തിരുവനന്തപുരം നിള തീയേറ്ററില് വച്ചാണ് സിദ്ദിഖില് നിന്നും തനിക്ക്
മോശം അനുഭവം നേരിടേണ്ടിവന്നതെന്ന് രേവതി പറയുന്നു.
സിദ്ദിക്കില് നിന്നുണ്ടായ മോശം
അനുഭവം തന്നെ വലിയ മാനസികപ്രയാസത്തിലേക്ക് തള്ളിയിട്ടെന്നും അതിന്റെ ആഘാതം
ഇപ്പോഴും ഓര്മ്മയിലുണ്ടെന്നും രേവതി സമ്പത്ത് ഫേസ്ബുക്കില് കുറിച്ചു.
രേവതി
സമ്പത്തിന്റെ ഫേസ്ബുക്ക് കുറിപ്പ് :
`ഈ വീഡിയോ വീണ്ടും വീണ്ടും കാണുമ്പോള്
(അഭിപ്രായം പറയുന്നതില് നിന്നും) എന്നെ തടഞ്ഞുനിര്ത്താനാവുന്നില്ല. തിരുവനന്തപുരം
നിള തീയേറ്ററില് 2016ല് നടന്ന `സുഖമായിരിക്കട്ടെ' എന്ന സിനിമയുടെ പ്രിവ്യൂവിനിടെ
നടന് സിദ്ദിഖ് എന്നോട് ലൈംഗികമായി അപമര്യാദയായി പെരുമാറാന് ശ്രമിച്ചു.
വാക്കാലുള്ള ലൈംഗികാധിക്ഷേപം 21-ാം വയസ്സില് എന്റെ ആത്മവീര്യം കെടുത്തി.
അതുണ്ടാക്കിയ ആഘാതം ഇപ്പോഴും ഞാന് ഓര്ക്കുന്നുണ്ട്.അദ്ദേഹത്തിന് ഒരു
മകളുണ്ടെന്നാണ് ഞാന് മനസിലാക്കുന്നത്. അവള് അദ്ദേഹത്തിനൊപ്പം
സുരക്ഷിതയായിരിക്കുമോ എന്ന് ചിന്തിക്കുകയാണ്.
നിങ്ങളുടെ മകള്ക്ക് സമാനമായ
അനുഭവമുണ്ടായാല് നിങ്ങള് എന്തുചെയ്യും സിദ്ദിഖ്? ഇതുപോലെ ഒരു മനുഷ്യന്
എങ്ങനെയാണ് ഡബ്ല്യുസിസിയെപ്പോലെ ആദരിക്കപ്പെടുന്ന, അന്തസ്സുള്ള ഒരു
സംഘടനയ്ക്കെതിരേ വിരല് ചൂണ്ടാനാവുന്നത്? നിങ്ങള് ഇത് അര്ഹിക്കുന്നുണ്ടോ?
സ്വയം ചിന്തിച്ച് നോക്ക്. ഉളുപ്പുണ്ടോ?
ചലച്ചിത്ര വ്യവസായത്തിലെ മുഖംമൂടിയിട്ട,
സ്വയംപ്രഖ്യാപിത യോഗ്യന്മാരെക്കുറിച്ച് ആലോചിക്കുമ്പോള് ലജ്ജ തോന്നുന്നു',
ഇതായിരുന്നു രേവതി സമ്പത്തിന്റെ കുറിപ്പ്.