ന്യൂഡല്‍ഹി: രാജ്യത്ത്‌ പൊതുതെരഞ്ഞെടുപ്പിന്‍റെ വോട്ടെണ്ണല്‍ പുരോഗമിക്കുമ്പോള്‍ തലസ്ഥാനത്ത്‌ പുതിയ സര്‍ക്കാരിന്‍റെ സത്യപ്രതിജ്ഞയ്‌ക്കുള്ള ഒരുക്കങ്ങള്‍ തുടരുന്നു. പുതിയ സര്‍ക്കാരിന്‍റെ സത്യപ്രതിജ്ഞയ്‌ക്കും പതിനേഴാം ലോക്‌സഭയിലെ അംഗങ്ങളെ സ്വാഗതം ചെയ്യുന്നതിനുമുള്ള ഒരുക്കങ്ങളാണ്‌ പുരോഗമിക്കുന്നത്‌.


പുതിയ എംപിമാരെ പഞ്ചനക്ഷത്ര ഹോട്ടലുകള്‍ക്ക്‌ പകരം ജന്‍പഥ്‌ റോഡിലെ വെസ്റ്റേണ്‍ കോര്‍ട്ടിലും വിവിധ സംസ്ഥാനങ്ങളുടെ ഭവനുകളിലുമായിരിക്കും താമസിപ്പിക്കുക. ഇതിനായി മൂന്നൂറോളം മുറികളും സജ്ജീകരിച്ചിട്ടുണ്ട്‌.