ജാഗ്രതാ നിര്‍ദേശം നല്‍കിയ പശ്ചാത്തലത്തില്‍ കേന്ദ്ര ആഭ്യന്തര മന്ത്രി അമിത്‌ ഷാ ഒരുക്കങ്ങള്‍ വിലയിരുത്തി. വേണ്ടത്ര ദുരിതാശ്വാസക്യാമ്‌ബുകള്‍ തുറക്കണമെന്നും കൃത്യമായ ഇടവേളകളില്‍ ജനങ്ങള്‍ക്ക്‌ ജാഗ്രതാ നിര്‍ദേശം നല്‍കണമെന്നും ആവശ്യമായ മറ്റ്‌ നടപടികള്‍ സ്വീകരിക്കണമെന്നും അധികൃതര്‍ക്ക്‌ കേന്ദ്ര ആഭ്യന്തരമന്ത്രാലയം നിര്‍ദേശം നല്‍കിയിട്ടുണ്ട്‌.


വൈദ്യുതി, വാര്‍ത്താ വിനിമയം എന്നീ സൗകര്യങ്ങളും കുടിക്കാന്‍ ശുദ്ധമായ വെള്ളം ഉറപ്പാക്കുകയും ആശുപത്രികള്‍ സജ്ജമാക്കുകയും ചെയ്യണമെന്ന്‌ കേന്ദ്ര ആഭ്യന്തരമന്ത്രാലയം അധികൃതര്‍ക്ക്‌ നിര്‍ദേശം നല്‍കിയിട്ടുണ്ട്‌. ഇതിലേതെങ്കിലുമൊന്നിന്‌ തടസ്സം നേരിട്ടാല്‍ അടിയന്തരമായി ഇടപെടണമെന്നും നിര്‍ദേശമുണ്ട്‌.

ഗുജറാത്ത്‌, മഹാരാഷ്ട്ര, ഗോവ, കര്‍ണാടക, ദാമന്‍ ദിയു എന്നിവിടങ്ങളില്‍ ചുഴലിക്കാറ്റിന്‍റെ പ്രഭാവം പ്രതിഫലിക്കാനിടയുണ്ട്‌. ഇവിടങ്ങളില്‍ കനത്ത മഴ പെയ്യുമ്‌ബോള്‍ ജാഗ്രതാ നിര്‍ദേശങ്ങള്‍ നല്‍കിയിട്ടുണ്ട്‌.