കൊല്‍ക്കത്ത : സമരത്തിലുള്ള ഡോക്ടര്‍മാരുമായി ചര്‍ച്ചക്ക്‌ എപ്പോഴും തയ്യാറാണെന്ന്‌ പശ്ചിമ ബംഗാള്‍ മുഖ്യമന്ത്രി മമതാ ബാനര്‍ജി. ഡോക്ടര്‍മാരുടെ എല്ലാ ആവശ്യങ്ങളും അംഗീകരിച്ചിട്ടുണ്ടെന്നും മമതാ ബാനര്‍ജി പറഞ്ഞു. ഡോക്ടര്‍മാര്‍ക്കെതിരായ അതിക്രമങ്ങള്‍ തടയുന്നതിന്‌ നടപടിയെടുക്കും.സമരം ഒത്തു തീര്‍പ്പാക്കാന്‍ സാധ്യമാണെന്നും മമത പറഞ്ഞു.

'ഞങ്ങള്‍ ഇതുവരെയും ഒരാളെ പോലും അറസ്റ്റ്‌ ചെയ്‌തിട്ടില്ല. ഒരു പൊലീസ്‌ നടപടിയും സ്വീകരിച്ചിട്ടില്ല. ആരോഗ്യമേഖലയിലെ സേവനങ്ങള്‍ ഇത്തരത്തിലല്ല തുടരേണ്ടത്‌. ഞാന്‍ ഒരിക്കലും കര്‍ശനമായ തീരുമാനങ്ങള്‍ എടുക്കില്ല.' മമത ബാനര്‍ജി പറഞ്ഞു.

ഡോക്ടര്‍മാരുടെ സമരത്തില്‍ സര്‍ക്കാരിനോട്‌ ആഭ്യന്തര മന്ത്രാലയം റിപ്പോര്‍ട്ട്‌ തേടിയിരുന്നു. ഡോക്ടര്‍മാരുടെ സുരക്ഷ ഉറപ്പാക്കണമെന്നും മുഖ്യമന്ത്രിമാര്‍ക്ക്‌ നിര്‍ദേശം നല്‍കിയിരുന്നു.സമരം എത്രയും പെട്ടെന്ന്‌ ഒത്തുതീര്‍പ്പാക്കണമെന്ന്‌ കൊല്‍ക്കത്ത ഹൈക്കോടതിയും ബംഗാള്‍ ഗവര്‍ണറും മമത സര്‍ക്കാരിനോട്‌ ആവശ്യപ്പെട്ടിരുന്നു.