ഓം ബിര്‍ള പുതിയ ലോക്‌സഭാ സ്‌പീക്കര്‍
Published on 19 June, 2019
ദില്ലി: 17ാം ലോക്‌സഭയുടെ സ്‌പീക്കറായി മുതിര്‍ന്ന ബിജെപി എംപി ഓം ബിര്‍ളയെ തിരഞ്ഞെടുത്തു. രാജസ്ഥാനിലെ കോട്ട പാര്‍ലമെന്റില്‍ നിന്നാണ്‌ ഇദ്ദേഹം ലോക്‌സഭയിലെത്തിയത്‌. കഴിഞ്ഞ രണ്ടുതവണ ഇവിടെ നിന്ന്‌ വിജയിച്ചതും ഇദ്ദേഹം തന്നെ. കോണ്‍ഗ്രസിന്റെ തട്ടകമായിരുന്ന കോട്ട 2003ല്‍ ബിജെപി പിടിച്ചെടുത്തത്‌ ഓം ബിര്‍ളയിലൂടെയാണ്‌.
അപ്രതീക്ഷിതമായിട്ടാണ്‌ ഓം ബിര്‍ളയെ സ്‌പീക്കറായി തിരഞ്ഞെടുത്തത്‌. ബിജെപി അധ്യക്ഷന്‍ അമിത്‌ ഷായും പ്രധാനമന്ത്രി നരേന്ദ്ര മോദിയും ചര്‍ച്ച ചെയ്‌താണ്‌ ഇദ്ദേഹത്തെ സ്‌പീക്കറാക്കാന്‍ തീരുമാനിച്ചത്‌. അമിത്‌ ഷായുമായി അടുത്ത ബന്ധം പുലര്‍ത്തുന്ന വ്യക്തി കൂടിയാണ്‌ ഓം ബിര്‍ള. വിദ്യാര്‍ഥിയായിരിക്കെ തന്നെ ആര്‍എസ്‌എസ്സുമായി അടുത്ത ബന്ധം പുലര്‍ത്തിയിരുന്നു.
ചൊവ്വാഴ്‌ച
ഉച്ചയ്‌ക്ക്‌ ഇദ്ദേഹം പത്രിക സമര്‍പ്പിച്ചിരുന്നു. പ്രതിപക്ഷം സ്ഥാനാര്‍ഥിയെ
നിര്‍ത്തിയിരുന്നില്ല. അതുകൊണ്ടുതന്നെ തിരഞ്ഞെടുപ്പ്‌ വളരെ വേഗത്തില്‍
പൂര്‍ത്തിയായി. പ്രധാനമന്ത്രി നരേന്ദ്ര മോദിയാണ്‌ ഓം ബിര്‍ളയെ സ്‌പീക്കറായി
തിരഞ്ഞെടുക്കുന്ന പ്രമേയം അവതരിപ്പിച്ചത്‌. എല്ലാവരും പിന്തുണച്ചു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala