മലപ്പുറം: മലപ്പുറം നിലമ്പൂര് മുത്തേടം
പഞ്ചായത്തില് കോണ്ഗ്രസ് ഭരണത്തിനെതിരേ മുസ്ലീം ലീഗ് അവതരിപ്പിച്ച
അവിശ്വാസ പ്രമേയം പാസായി. സിപിഎം പിന്തുണയോടെയാണ് അവിശ്വാസപ്രമേയം പാസായത്.
കോണ്ഗ്രസിന് ഏഴും ലീഗിനും സിപിഎമ്മിനും നാല് വീതവും അംഗങ്ങളാണ്
പഞ്ചായത്തില് ഉള്ളത്. ഒരു വോട്ടിനാണ് അവിശ്വാസപ്രമേയം പാസായത്.
പഞ്ചായത്ത് പ്രസിഡന്റ് പി. ഉസ്മാനെ മാറ്റണമെന്ന് ലീഗ് ആവശ്യപ്പെട്ടിരുന്നു.
ഇതിന് തയാറാകാഞ്ഞതിനെ തുടര്ന്നാണ് അവിശ്വാസപ്രമേയം അവതരിപ്പിച്ചത്. ലീഗ്
സംസ്ഥാന നേതൃത്വത്തിന്റെ നിര്ദേശം തള്ളിക്കൊണ്ടാണ് പ്രാദേശിക നേതൃത്വവും
അംഗങ്ങളും അവിശ്വാസപ്രമേയത്തിന് അനുകൂലമായി വോട്ടു ചെയ്തത്.
അവിശ്വാസപ്രമേയത്തെ എതിര്കക്കണമെന്ന് ആവശ്യപ്പെട്ട് രാവിലെ ലീഗ് നേതൃത്വം
അംഗങ്ങള്ക്ക് വിപ്പ് നല്കുകയും ചെയ്തിരുന്നു. അവിശ്വാസം പാസായതിനെ
തുടര്ന്ന് പഞ്ചായത്ത് വൈസ് പ്രസിഡന്റ് ഉഷാ സച്ചിദാനന്ദന് രാജിവെച്ചു.
കഴിഞ്ഞ 25 ന് അവിശ്വാസപ്രമേയം ചര്ച്ച ചെയ്യാനിരിക്കെ വരണാധികാരി
എത്താഞ്ഞതിനാല് മാറ്റിവെയ്ക്കുകയായിരുന്നു. ഇതേ തുടര്ന്നാണ് ഇന്ന്
അവിശ്വാസപ്രമേയം അവതരിപ്പിച്ചത്. മന്ത്രി ആര്യാടന് മുഹമ്മദിന്റെ
മണ്ഡലമെന്ന നിലയ്ക്ക് അവിശ്വാസപ്രമേയ വോട്ടെടുപ്പ് വന്
വാര്ത്താപ്രാധാന്യവും നേടിയിരുന്നു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല