Image

എയര്‍ഇന്ത്യ വിദേശ സര്‍വീസുകളുടെ ബുക്കിങ് ചൊവ്വാഴ്ചവരെ നിര്‍ത്തി

Published on 11 May, 2012
എയര്‍ഇന്ത്യ വിദേശ സര്‍വീസുകളുടെ ബുക്കിങ് ചൊവ്വാഴ്ചവരെ നിര്‍ത്തി
ന്യൂഡല്‍ഹി: പൈലറ്റ് സമരം മൂന്നാം ദിവസവും ശക്തമായി തുടര്‍ന്നതോടെ എയര്‍ഇന്ത്യ വിദേശ സര്‍വീസുകളുടെ ബുക്കിങ് ചൊവ്വാഴ്ചവരെ നിര്‍ത്തിവെച്ചു.

ന്യൂയോര്‍ക്ക്, ടൊറന്‍േറാ, ലണ്ടന്‍, പാരീസ്, ഫ്രാങ്ക്ഫര്‍ട്ട് എന്നിവിടങ്ങളിലേക്ക് ഈ മാസം 15 വരെ ബുക്കിങ് സ്വീകരിക്കില്ല.

സമരംചെയ്യുന്ന ഒമ്പത് പൈലറ്റുമാരെക്കൂടി വ്യാഴാഴ്ച പുറത്താക്കി. ഇതോടെ, പുറത്താക്കിയ പൈലറ്റുമാരുടെ എണ്ണം 45 ആയി. ഹൈക്കോടതി ഉത്തരവ് ലംഘിച്ചുകൊണ്ട് സമരം തുടരുന്ന പൈലറ്റുമാര്‍ക്കെതിരെ എയര്‍ഇന്ത്യ വ്യാഴാഴ്ച സുപ്രീംകോടതിയെ സമീപിക്കുകയും ചെയ്തു.

ഇതിനിടെ, ഇന്ത്യന്‍ വ്യോമയാനമേഖലയെ കൂടുതല്‍ പ്രതിസന്ധിയിലാക്കിക്കൊണ്ട് കിങ്ഫിഷര്‍ എയര്‍ലൈന്‍സിലെ ഡല്‍ഹിയില്‍നിന്നുള്ള ഒരുവിഭാഗം പൈലറ്റുമാരും പണിമുടക്കി. കമ്പനിയുടെ പതിനഞ്ച് സര്‍വീസുകള്‍ ഇതേത്തുടര്‍ന്ന് റദ്ദാക്കേണ്ടിവന്നു. ഡല്‍ഹിയില്‍നിന്ന് സിംല, ഡെറാഡൂണ്‍, ധര്‍മശാല, ജയ്പുര്‍ റൂട്ടുകളിലെ സര്‍വീസുകളെയാണ് പണിമുടക്ക് ബാധിച്ചത്.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക