തെളിനീര്പ്പുഴകളും തോടുകളും അഴുക്കച്ചാലാക്കി മാറ്റിയിട്ടുണ്ടാകുമല്ലോ.
ഫ്ളാറ്റുകളിലെ കക്കൂസ്സുകള് ടാങ്കറിലേറീ പുഴയില് വന്നു
നിറഞ്ഞിട്ടുണ്ടാകുമല്ലോ?.പഞ്ചായത്തും നഗരസഭകളും കഴിവതും സഹായിക്കണേ!.
വ്യക്തികളും സ്വകാര്യ സ്ഥാപനങ്ങളും അലംഭാവമൊന്നും കാട്ടല്ലേ!. പിന്നെ
വശപ്പെട്ടിക്കടക്കാരൊക്കെ റെഡിയല്ലേ?. നേരമില്ലന്നേ!
ഡ്രസ്സിട്ടു നടയിറങ്ങിപ്പോകുന്ന കോഴികളുടെ തലകളും പൂടയും കുടലുമൊക്കെ
വഴിവക്കില് തന്നെ ഉണ്ടാവുമല്ലോ?. ഇറച്ചി വാര്ന്നെടുത്ത മൃഗങ്ങളുടെ
അവശിഷ്ടങ്ങള് വഴിവക്കിലും തുറന്ന സ്ഥലങ്ങളിലും കിടന്നു ഇറച്ചിക്കടയുടെ
പരസ്യം വിളിച്ചു പറയുന്നുണ്ടാവുമല്ലോ!.
തൊഴിലുപ്പിച്ച് പെണ്ണുങ്ങള് വഴിയോരത്തെ വള്ളിപ്പടര്പ്പും തൈമരങ്ങളും
വെട്ടിത്തകര്ത്ത മുന്നറുമ്പോള്, പടര്പ്പിലൊളിപ്പിച്ച വെച്ച കുടലും
മറ്റും പട്ടികള് കടിച്ചെടുത്ത് വഴിയില് കൊണ്ടിടുന്നുണ്ടല്ലോ. വണ്ടികള്
കയറി അവ ഫോസ്സില് പ്രായമായിക്കണും!. (കുടലല്ല, മനുഷ്യന് ചത്തുകിടന്നാലും
വണ്ടിച്ചക്രങ്ങള്ക്കാണല്ലോ ഇപ്പോള് റോഡിലെ സംസ്ക്കാര ചുമതല.)
സാരമില്ല,മഴ ഒന്നു കനത്തോട്ടെ.അവയ്ക്കുമുണ്ടാകും ഒരു ഗമയും മണവുമൊക്കെ!.
എന്തൊരു സുഗന്ധം!. എന്തൊരു ഭംഗി!. ഇതാണ് ദൈവത്തിന്റെ ആരാമം!.
വിനോദസഞ്ചാരികളെ ഇതിലേ ഇതിലേ..! നല്ല പഞ്ഞികൂടി എടുത്തോണേ. വരൂ ഇതിലേ
വ്യാധിയു ആധിയും ഫ്രീ..!
പൊതു സ്ഥലങ്ങള് മലിനമാക്കുന്നവര്ക്കെതിരെ കൊലപാതകശ്രമത്തിനു
കേസ്സെടുക്കാനും സാമൂഹത്തിനു പ്രശ്നമായ ലാഭകേന്ദ്രങ്ങള് അടച്ചു പൂട്ടാനും
നിയന്ത്രിക്കാനും സര്ക്കാരും ജനവും ഇല്ലാതെ വന്നാല് ഇതുതത്തന്നെ ഗതി!.
മാത്രമല്ല ഇനി ദേവാലയങ്ങളിലും ഭരണസിരാകേന്ദ്രത്തിലുമെല്ലാം കിടന്നു ചീയും
കുടല്മാലകളും കോഴിത്തലകളും!. പൊതു കുടിവെള്ള ടാങ്കുകളില് തള്ളും
കക്കൂസ്സ് മാലിന്യങ്ങള്!.
ആശുപത്രികളും ഡോക്ടര്മാരും മരുന്നു കമ്പനികളും ശവപ്പെട്ടിക്കടക്കാരും
പണക്കാരായി, മികച്ച ആദായ നികുതിദായരാകും. ഡോക്ടര്മാര് സ്വകാര്യ
പ്രാക്ടീസ്സു നിര്ത്തുമെന്നുമാത്രമല്ല അല്പം സ്വകാര്യതയ്ക്കായി
കൊതിക്കും!.
കൊതുകുതിരി, ലിക്വിഡ് കമ്പനികള് ചാനലുകള് തുടങ്ങി കൊതുവളര്ത്തുന്നവരുടെ റിയാലിറ്റി ഷോകള് സംഘടിപ്പിക്കും.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല