മുല്ലപ്പെരിയാര്‍: റൂര്‍ക്കി ഐഐടി റിപ്പോര്‍ട്ട് 25ന് ലഭിക്കുമെന്ന് ജോസഫ്
Published on 01 June, 2012
ന്യൂഡല്‍ഹി: റൂര്‍ക്കി ഐഐടി യുടെ മുല്ലപ്പെരിയാര്‍ ഡാം ബ്രേക്ക് അനാലിസിസ് റിപ്പോര്‍ട്ട് 25നു ലഭിക്കുമെന്നു ജലവിഭവ മന്ത്രി പി.ജെ. ജോസഫ്. മുല്ലപ്പെരിയാര്‍ ഉന്നതാധികാര സമിതി റിപ്പോര്‍ട്ടും റൂര്‍ക്കി ഐഐടി പഠന റിപ്പോര്‍ട്ടും തമ്മിലുള്ള താരതമ്യപഠന റിപ്പോര്‍ട്ടും ഉടന്‍ ലഭിക്കുമെന്നും ജോസഫ് പറഞ്ഞു.
ഉന്നതാധികാര സമിതി റിപ്പോര്‍ട്ടിന് 23നാണു സുപ്രീംകോടതിയില്‍ കേരളം മറുപടി നല്‍കേണ്ടത്. താരതമ്യ പഠന റിപ്പോര്‍ട്ടിന്റെ അടിസ്ഥാനത്തിലാകും മറുപടി നല്‍കുകയെന്നും അദ്ദേഹം അറിയിച്ചു.
അതിനിടെ മുല്ലപ്പെരിയാര്‍ കേസില്‍ തമിഴ്‌നാടിനു വേണ്ടി ഹാജരാകുന്ന അഭിഭാഷകര്‍ ഡാം സന്ദര്‍ശിച്ചു. സുപ്രീംകോടതി അഭിഭാഷകരായ ഉമാപതി, നവനീത് കൃഷ്ണന്‍ എന്നിവരാണ് ഡാം സന്ദര്‍ശിച്ചത്. തമിഴ്‌നാട്ടിലെ ഉന്നതോദ്യോഗസ്ഥര്‍ക്കൊപ്പമായിരുന്നു സന്ദര്‍ശനം.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala