മല്ലപ്പള്ളി: പ്രൈവറ്റ് ബസ്സ്റ്റാന്‍ഡില്‍ ശനിയാഴ്ച പുലര്‍ച്ചെ ഒന്നരയോടെ ഉണ്ടായ തീപിടിത്തത്തില്‍ രണ്ട് കടകള്‍ പൂര്‍ണമായും രണ്ട് കടകള്‍ ഭാഗികമായും കത്തിനശിച്ചു. പൊലീസ് എയ്ഡ്പോസ്റ്റിന് പിറകിലുള്ള വാടകക്കാരായ പായിപ്പാട് വെള്ളാപ്പള്ളി സുരേന്ദ്രന്‍െറ ഉടമസ്ഥതയിലുള്ള തയ്യല്‍ക്കടയും ആനിക്കാട് കിഴക്കേക്കര കോശിയുടെ (കുഞ്ഞുമോന്‍) ഉടമസ്ഥതയിലുള്ള മലഞ്ചരക്ക് -സ്റ്റേഷനറി കടയുമാണ് പൂര്‍ണമായും നശിച്ചത്.
തൊട്ടടുത്ത കോട്ടയം സ്വദേശിയുടെ വെല്‍ടെയ് എന്ന തയ്യല്‍ക്കടയും മല്ലപ്പള്ളി സ്വദേശി ശശിയുടെ പച്ചക്കറിക്കടക്കും ഭാഗികമായി തീപിടിച്ചു. രണ്ട് മണിക്കൂര്‍ നീണ്ട പരിശ്രമത്തിനൊടുവിലാണ് തീ നിയന്ത്രണവിധേയമാക്കിയത്.